تحقيق لقناة إسبانية فرش قبل عامين معامل النسيج "الموقوتة" فطنجة وكيفاش خدامة بعيد عن السرية والعمال كيخدمو فظروف خايبة – فيديو

قبل عامين وبالضبط في يوليوز 2019، قام فريق تحقيق صحفي تابع للقناة الاسبانية الخامسة بزيارة إلى مدينة طنجة بالمغرب اللي وصفوه بجنة جديدة لصناعة النسيج في العالم بعد الصين وبنغلاديش..
هاذ التحقيق المصور التي تخدم بكاميرات خفية فضح كيفاش هاذ المعامل كتخدم بعيد عن السرية من خلال نظام توزيع عقد مقاولات متعددة الجنسيات على مقاولي الباطن واللي كيخليها حتا هي تعاقد مع ورشات صناعية خارجية، حيث يتم تصنيع الملابس الجاهزة بأجور متدنية ويشتغل العمال لساعات طويلة دون راحة.
طاقم الربورتاج المصور تفاجأ أن جميع المعامل كتواجد بمناطق سكنية وأن هاذ الوحدات الصناعية تفتقر إلى إلى الحد الأدنى من معايير السلامة وتكدس عشرات العاملات والعاملين في كراجات تحت أرضية. وكيفاش الجشع وراء المال قادر باش يخلي الناس يخدمو نوار وبالليل وبالنهار باش يوجد شحنة ملابس جاهزة في أقل من أسبوع في ظروف كلها امتهان للكرامة الإنسانية..
تحقيق القناة الاسبانية جات فيها شهادة سيدة سميتها فاطمة تكلمات معاهم بزز وقالو انها عاملة بمعمل للنسيج منذ سنوات، قالت أن اللي كيطرا فهاذ المعامل كثر من الاستغلال وكاينة حوايج أخرى، كما قالت أن التواطؤ بين جهات متداخلة هي اللي كتغطي على الخروقات وعطات كمثال كيفاش كتم زيارات تفتيش لهاذ الوحدات متفق عليها..
Marruecos, el nuevo paraíso para los explotadores del sector textil https://t.co/MlVqsxAb28 pic.twitter.com/5yMqaLQ0lX
— Telecinco (@telecincoes) January 7, 2019