اهانة والي الداخلة لمستشار قدام وزير من حزبو. مامي ل"كود" : الوالي هانني وحنا كنمشيو على خنافرنا ومازال ما قررتش اش ندير

مامي رمضان عن جماعة ميجك فولاية الداخلة عاش لحظات اهانة كبيرة فاجتماع حضرو وزير التعليم والتكوين المهني امزازي والوزير المنتدب المكلف بالتعليم العالي عويشة بالداخلة اليوم الجمعة 19 مارس 2021 .
وقال رمضان ل"كود" انه شعر بالاهانة بعد ما دفعو الوالي وجرى عليه قدام كلشي
دابا راه مازال ما خدا حتى شي قرار باش يدافع على راسو "مازال ما خديت اي قرار"، مشيرا في تصريحه ل"كود" باللي بحالو بحال ولاد منطقتو "كنمشيو على خنافرنا. وباللي الكرامة هي الاولى"
مسؤول جماعة ميجك عن حزب الحركة الشعبية قال ل"كود" باللي الوالي دفعو وقال ليه "سير تگعد"
واوضح ل"كود" انو بعد ذلك مشى وحس بالاهانة
هاد الشي وقع فاجتماع حضرو الوزيرين. مامي طلب الكلمة وما عطاوهاش ليه. باش سالى الوالي كلمتو هدر وقال باللي خاص الوزير يسمع لمشاكل التعليم فالمنطقة. الوالي قال ليه باللي ما كاينش تدخلات فهاد اللقاء
من بعد جا مسؤول من الولاية وقال ليه راه الوالي باغيه. باش مشى مامي قال للوزير انت دارتك الدولة وخاصك تسمع المطالب. هنا فين، كيف حكى مامي ل"كود"، دخل الوالي وجرى عليه