مؤشرات تشديد الاجراءات بانت.. التزيار رجع و"كود" عاينت مقدم فسوق اسبوعي نواحي سطات كيبرح: لبسو الكمامة

تشديد الاجراءات الاحترازية بدات من الاسواق والمقدمين كيبرحو على ناس باش تلتزم بالتباعد الجسدي وارتداء الكمامة.
فالمدن رجع تنظيم الاسواق ودارو السلطات الحواجز فجميع منافذ الاسواق الشعبية.
"كود" عاينت فسوق اسبوعي باقليم سطات، المقدم خرج مع فرقة من الاعوان كيبرحو وسط السوق ويحذرو الناس ويطلبو منهم ارتداء الكمامات.
هاد المقدم لبس الكمامة ورجع كينبه.
المقدم لعب دور كبير ف الحجر الصحي وفالطوارئ الصحية، خصوصا فيما يتعلق بتوعية الناس وتنبيههم بخطورة الفيروس.
هادي مؤشرات بداية تشديد الاجراءات، طبعا كاين لي ضد هاد التشديد منهم عز الدين الابراهيمي عضو اللجنة العلمية، اللي قاليهم لا داعي للتشديد وخليو نفس الاجراءات.
ريحة تشدد أكثر جاي فالطريق ففرض قيود (كورونا)، بعد عودة معدلات الإصابة بالفيروس إلى الارتفاع في الأسابيع الأخيرة. ومن بين ما اعتبر في نظر العديدين مؤشرا على ذلك ما سجل، في نهاية الأسبوع الجاري، في عدد من المدن، ومنها مراكش وآسفي والدار البيضاء، حيث عادت السلطات المحلية لتكثيف جولاتها لإلزام مختلف الفضاءات، ومن ضمنها المقاهي والمطاعم، بالتقيد بمواعيد الإغلاق المحددة قبل الحكومة.