فالحصيلة اليومية لفيروس كورونا المستجد اللي علنات عليها وزارة الصحة اليوم الجمعة 23 أبريل، ففهذ 24 ساعة الأخيرة تقاسو 592، وماتو 7، وفالمجموع 5132 مازال كيتعالجو، و19678 خداو الجرعة الأولى داللقاح اليوم. وهذو التفاصيل: التلقيح: اليوم خداو 19678 الجرعة اللولة داللقاح، ووصل المجموع من نهار بدات حملة التلقيح ل4717551، أما الجرعة الثانية فخداوها اليوم 5691، ووصل مجموع هذ الفئة ل4209470. الإصابات: وتقاسو اليوم 592 واحد من أصل 8942 واحد دار التحليلة، ووصل عدد المصابين فالمجموع ل508530. ومؤشر الإصابة التراكمي وصل ل1398,2 لكل 100 ألف نسمة، بمعدل 1,6 لكل 100 ألف نسمة فهذ 24 ساعة. حالات الشفاء: تشافاو اليوم 542، ووصل الإجمالي ل494415، بنسبة تعافي ديال 97,2 فالمية. الوفيات: اليوم ماتو 7، 4 فكازا و1 فكل من العيون وطنجة وفاس، ووصل هكذا عدد الوفيات ل8983، بنسبة إماتة ديال 1,8 فالمية. الحالات النشيطة والحرجة: عدد الحالات النشيطة طلعات ل5132، وعدد الحالات الحرجة وصل ل374 حالة، 41 تدهورات حالتهم غير اليوم، و14 تحت التنفس الاختراقي، أما نسبة ملء أسرة الإنعاش فنزلات ل12 فالمية.
