ليكيپ ديال فيلم "Mission impossible" تصابو ب كورونا ف النكَليز و الشركة وقفات التورناج

وقف فيلم "المهمة المستحيلة Mission impossible"، اللي من بطولة طوم كروز، التصوير جوج سيمانات بعدما تأكد أن ليكيب تصابو بفيروس كورونا.
شركة "پاراماونت پيكتشرز Paramount Pictures" ماكشفاتش على عدد الناس اللي تصابو بالفيروس، لكن الجورنال البريطاني "The Sun" قال أن طوم كروز صحيح ومابيه والو.
وقالت شركة "پاراماونت" أنهم غادي يوقفو التورناج من نهار 7 حتى ل 14 في هاد الشهر، بسباب أن نتائج التيست ديال كورونا اللي تدرات كشفات أن أفراد من الفريق فيهم الفيروس.
في المقابل غادي يبقا دابا توم كروز في الحجر الصحي لمدة 14 اليوم حتى يتأكد أنه بيخير.
و يشار إلى أن كروز كان ديما راد البال وكيوصي على ضرورة احترام التدابير الاحترازية ف التورناج، وسبق ليه حيح، في شهر ديسمبر 2020، على الناس اللي خدامين معاه، خصوصا بسباب عدم احترامهم للتباعد الجسدي.