خاص. أعلى معدل عام ف الباك هاد العام مولاتو بنت من مراكش.. التلميذة أمينة زروالي ل"كود": مكونتش منتظرة هادشي وها شنو عوّالة اندير بعد الباك

علمت "كود" أن أعلى معدل عام على المستوى الوطني في الدورة العادية للامتحان الوطني الموحد لنيل شهادة البكالوريا 2021 هو (19.53) بمسلك العلوم الفيزيائية-خيار فرنسية، وذلك بالأكاديمية الجهوية للتربية والتكوين لجهة مراكش آسفي.
ووفق المعلومات التي حصلت عليها "كود"، من مصادر مطلعة، فإن صاحبة هذه المعدل هي التلميذة أمينة زروالي التي كانت تتابع دراستها بمؤسسة الأوائل للتعليم المدرسي بعاصمة النخيل مراكش. المعدل الوطني جابت فيها هاد التلميذة (19.89).
في مقابل ذلك، اتصلت "كود" بهاد التلميذة المتألقة وعبرت عن فرحتها بهاد النقطة اللّي جابها، مؤكدة بالقول: "مكونتش عارفة أني جبت هاد النقطة حتى اتصلتو بيها وصراحة ماكنونتش منتظرة هاد الإنجاز لكني كنت أتوقع وأنتظر حصولي على معدل مشرف وصافي حقاش خدمت بزاف".
"كود" سولات التلميذة أمينة زروالي على شنو باغية تدير بعد الباك وكشفت ل"كود" أن عندها جوج اختيارات دبا، وأبرزت أنها تفكر تدير الهندسة المعمارية أو تمشي للطب لكن مزال محسمات هاد الأمر.
وبخصوص شكون ساعدها بزاف باش حصلات على أعلى معدل عام على المستوى الوطني، أضافت التلميذة زروالي ل"كود" قائلة: "كنشكر والدية وأشكر أيضا جميع الأستاذة سواء من قريب أو بعيد".
كما أشارت إلى أن الوالدة ديالها أستاذة ف التعليم وعاوناتها بزاف وحتى الوالد ديالها الذي يشتغل بالأكاديمية الجهوية للتربية والتكوين بجهة مراكش آسفي قدّم ليها المساعدة.