مدابزة بين بوكس والاشتراكيين فالجلسة العامة دحكومة سبتة

كارلوس بيرديخو البرلماني عن حزب بوكس اليميني المتطرف فحكومة سبتة المحلية،مرة تاني نوض الصداع، بعدما ولف يدير البوز فكل جلسة عامة لحكومة سبتة بالغوات.
فالجلسة العامة ديال لبارح، هاجم نائبة الرئيس خوان بيباس، لي كانت كتسير الجلسة العامة، وهادشي خلا البرلماني عن الحزب الاشتراكي، خوان غوتيريث يتدخل ويبداو يتغاوتو بجوجهوم وشي كيسب شي بعدما قال بيرديخو لغوتيريث بيتي ال مار، يعني سير للبحر، وبمعنى دارجي ضرب راسك مع الحيط، هادشي خلا غوتيريث يوصف بيرديخو بانه ديك مهرج لعين وحمق.
بيرديخو بدلي هو الناطق الرسمي ديال بوكس فسبتة، كان نوض الصداع مع النائبة المسلمية فاطمة حميد، وقاليها نتي تابعة للمغرب، وناضليه رئيس الحكومة المحلية خوان بيباس، وفجلسة تاني هاجم المسلمين فالحكومة المحلية وقال انهم تابعين للمغرب وكيخدمو مصالحو، وفكل مرة كينوض عليه البوز، وهادشي خلاه يبقى ينوض الصداع فكل جلسة عامة باش بتير الانتباه.