اش هاد العبث الحكومي. علاش ما تنقصش ساعة استثناء وما تخليش المطاعم حتى لحداش وما يدخل ليه الا صحاب الباس سانيتير

الحكومة البارح خرجات قرار فيه اجراءات كثيرة يبدا تطبيقها اليوم. فيها "حظر التنقل الليلي على الصعيد الوطني من الساعة التاسعة ليلا إلى الساعة الخامسة صباحا"
و"منع التنقل من وإلى مدن الدار البيضاء، مراكش وأكادير. ويستثنى من هذا القرار الأشخاص الملقحين المتوفرين على شهادة "جواز التلقيح"، الأشخاص ذوي الحالات الطبية المستعجلة، الأشخاص المكلفين بنقل السلع والبضائع، إضافة إلى العاملين في القطاعين العام والخاص الحاملين لوثيقة "أمر بمهمة" موقعة ومختومة من طرف رؤسائهم في العمل"
من الاجراءات الجديدة "إغلاق المطاعم والمقاهي على الساعة التاسعة ليلا، وإغلاق الحمامات وقاعات الرياضة والمسابح المغلقة"
هاد الاجراءات ما عندها معنى فبلادنا اللي وصلنا لشي 38 بالمائة من الملقحين.
فقضية المطاعم وغيرها كان للحكومة دير اجراء اكثر ذكاء، بحال فرانسا. ما يدخل ليهم الا الملقحين ويخليوهم حتى لحداش.
ما يمكنش لصحاب المطاعم وغيرهم من القطاعات ميتة كثر من عامين ويجيو اليوم يسدو.
ثم راه الصيف والتسعود ديال الصيف راه مازال الشمش كاينة. كانت الحكومة دير شي اجراء وتغير الساعة استثناء. تنقص ساعة باش بنادم يستافد من الصيف