بالإضافة ل2 مليون دوز اللي غاتوصلنا بوساطة من إسرائيل.. المغرب سينيا اتفاقية مع "فايز – بيونتيك" باش ناخدو جرعات جديدة من لقاحهم

من بعد دخول 2 مليون جرعة من الفاكسان الامريكي الألماني "فايز – بيونتيك"، من المنتظر تجي من ميريكان بوساطة إسرائيلية، المغرب مازال غدي يتلقى جرعات جديدة من هذ الفاكسان، من أجل تعزيز ترسانة التلقيح لمحاربة فيروس كورونا المستجد (كوفيد-19).
فهذ الإطار، تسينات اتفاقية بين "فايز – بيونتيك" ووزارة الصحة المغربية، ومختبرات "فايزر المغرب" وPfizer Inc، باش يتوصل المغرب بالمزيد من جرعات هذ الفاكسان.
وحسب بلاغ ل"فايز – بيونتيك"، غيتوصل المغرب بجرعات مهمة خلال هذ العام الجاري (2021)، من بعد ما يتوصل ب2 مليون جرعة ف شهر غشت.
وفهذ الصدد، قال علي بصري، المدير الجهوي فشمال إفريقيا والرئيس المدير العام لمختبرات فايزر فالمغرب، "حصل لينا الشرف باش ننسقو مع الحكومة المغربية باسم مختبرات فايز المغرب، بغيت نهدأ حتى السلطات المغربية على مجمل القرارات والإجراءات اللي اتخداتها باش تحارب الجايحة".
وزاد البلاغ أن المختبرات معبأة مواردها العلمية، باش توفر فاكسان فايزر للشعب المغربي، وتحقق تطورات ملموس ممكن تغير حياة المرضى وتعطيهم امل كبر.
ومن جهتو قال المدير التجاري لشركة "بيونتيك"، شان ماريت، انه كيشكل الحكومة المغربية على الدعم ديالها والثقة اللي عطات فالفاكسان، اللي كيتمنى يوضع حد لهذ التهديد الوبائي العالمي، بشكل فعال وبأسرع ما يمكن.
وللإشارة، فالشركة معولة تصنع 3 مليار ديال الجرعات المضادة للفيروس، قبل نهاية عام 2021، وهذ الاتفاقية اللي دارت مع المغرب كتدخل فصلب سياستها للقضاء على الوباء فكَاع بقاء العالم بفضل هذ التلقيح.
وكيتعتبر "فايز – بيونتيك" الاكثر فعالية من بين باقي الفاكسانات اللي كاينين ضد كورونا، بحيث كتوصل نسبة فعاليتو ل95 فالمية، وكيتعتبر أول لقاح خدا ترخيص باستعمالو فأوروبا فدجنبر 2020، والاكثر اعتمادا فيها لحد الساعة.