واخا كتاسح الانتخابات. الاحرار: باغيين نتعاونو مع كاع الاحزاب للدفاع عن مصالح هاد الهيئات المهنية

حزب التجمع الوطني للاحرار ما باغيش يكرر اخطاء البام ايام الياس العماري فالانتخابات المهنية ل2015. البارح وزير الداخلية لفتيت عبد الوافي علن تصدر حزب التجمع الوطني للأحرار نتائج انتخابات أعضاء الغرف المهنية بفوزه ب 638 مقعدا أي بنسبة 28,61 بالمائة من مجموع المقاعد، وذلك استنادا إلى النتائج التي تم الإعلان عنها من طرف مكاتب التصويت والمكاتب المركزية بالنسبة للغرف الفلاحية، وإلى النتائج المؤقتة الخاصة بغرف التجارة والصناعة والخدمات وغرف الصناعة التقليدية وغرف الصيد البحري.
الحزب الثاني وفق وزير الداخلية كان هو البام وجاب 363 مقعدا أي بنسبة 16,28 في المائة، فيما جاء حزب الاستقلال في المرتبة الثالثة بحصوله على 360 مقعدا أي بنسبة 16،14 في المائة.
اي ان الفرق بين الاول والثاني الدوبل تقريبا.
لكن وفق مصادر من التجمع الوطني للاحرار ل"كود" فالحزب واخا فرحان بهاد الانتصار ما باغيش يرجع منو ورقة يبين فيها باللي راه مهيمن على هاد الانتخابات. الياس العماري ف2015 كان قال بعد انتصار التراكتور فنفس الانتخابات ديك الساعة باللي هادا مؤشر على الانتخابات المقبلة وكيقصد التشريعية لكنو خسرها ضد البي جي دي ف2016.
الاحرار وفق مصدر "كود" غادي يدير نداء للجميع باش يخدم معاهم ويتعاون معاهم لما فيه صالح هاد المهنيين.