أفتاتي ل"كَود": ماغاديش نترشح للبرلمان ف وجدة.. وهاد القرار خديتو سنين هادي

أعلن عبد العزيز أفتاتي، عضو الأمانة العامة لحزب العدالة والتنمية، أنه ماغاديش يترشح ف الانتخابات التشريعية على مستوى دائرة وجدة – أنكَاد، وأنه غايتفرغ طيلة الحملة الإنتخابية لمواجهة ما أسماه ب"كارتيلات الفساد والاستبداد".
وفي سؤال "كَود" لأفتاتي حول الأسباب اللي خلاتو يتراجع عن قرار الترشح، قال "إن هذ القرار كان خذاه منذ سنة 2015′′، وأنه مابقاتش عندو رغبة ف الترشح والرغبة الكبيرة اللي عندو دبا، كيما قال، هي يحارب أجندات الاستبداد.
وأضاف، أن هذ النوع من الاستبداد اللي باغي يحارب، هو اللي كايبغي يستامر فالسلطة من أجل مراكمة الريع ب"الفساد"، وتعطيل مؤسسات الدولة، ف حين أكد على أنه غايكون أكثر "جذرية وشراسة".
وفي سؤال ل"كَود" بخصوص واش "البيجيدي" غادي يتراجع ف الانتخابات الجاية وما يكونش هو الحزب اللول؟ رد أفتاتي إن العدالة والتنمية هو اللي غايحتل الرتبة الأولى.
وكانت الأمانة العامة لحزب العدالة والتنمية، علنات ف وقت سابق، بللي عبد العزيز أفتاتي هو اللي غايكون وكيل اللائحة التشريعية بوجدة، إلا أن أفتاتي قرر أنه ماغاديش يدخل الانتخابات.
وكان القيادي ف"البيجيدي" تكلم في اتصال سابق اليوم مع "گود"، على رفض الترشح للانتخابات الجاية ورجع أسباب هاد القرار إلى ما أسماه ب"تجميع السلطة وتجميع الثروة"، مضيفا :"أنا لا اختبئ في المؤسسات لمواجهة هؤلاء، وهناك طريقة عديدة لمواجهة الفساد خارج العملية الانتخابات".