دراسة: الولاد اللي تزادو ف زمان جايحة كورونا ناقصين ف درجة الذكاء

كشفات دراسة ميريكانية جديدة أن الوليدات اللي تزادو في زمان كورونا عندهم أداء معرفي ولفظي وحركي وإدراكي قليل مقارنة مع اللي تولدو قبل 2020.
الدراسة وضحات على أن السنوات الأولى ديال الدري الصغير كاتكون مهمة بزاف في حياتو لكن الجايحة غيرات حياتهم بزاف حيت الآباء عاشو ستريس ديال يخدمو ويقابلو وليداتهم في نفس الوقت.
ومع قلة التفاعل مع العالم الخارجي، سجلو الوليدات في "فترة كورونا" درجات ناقصة في اختبارات لتقييم التطور المعرفي.
وقبل كورونا كان متوسط درجة الذكاء في الاختبارات ديال الدراري بين 3شهور و3 سنين قريب ل100، ولكن مع كورونا وصل 78.
وشملات الدراسة 672 طفل من ولاية رود آيلاند الميريكانية، ومن بينهم، 188 تولدو من بعد يوليوز 2020 و308 تولدو قبل يناير 2019، بينما ولد 176 بين يناير 2019 ومارس 2020.