تمساح شويا ياكل المدربة ديالو ف حفلة عيد ميلاد قبل مايعتقها صاحبها – فيديو

واحد تمساح في مركز الزواحف بولاية "يوتا" (Utah) في ميريكان كان غادي ياكل المدربة ديالو فاش حاولات تعطيه الماكلة وسط حفلة عيد ميلاد هاد الويكاند.
مدربة الحيوانات، واللي سميتها "ليندساي بول" (Lindsay Bull)، مولات 31 عام، قالت أنها مولفة تعطي للتمساح المالكة ماشي مرة ماشي جوج وما عمر وقع شي مشكل قبل هاد النهار.
الفيديو اللي كايقطع الأنفاس كاتبان فيه المدربة وهي كاتحل لاكاج ديال الجاج ولكن تمساح كايشدها من يدها وجرها لعندو.
واحد من صحاب المدربة تلاح على التمساح وعاونها باش تخرج يدها من فمو، وبقا كايحاول حتى خرجها. و مشات للصبيطار من بعد رغم أن الضرر ماكانش كبير.