الكسندر بينالا المعاون سابق ديال ماكرون تحكم عليه ب18 شهر ديال الحبس

المعاون السابق للرئيس الفرنسي ايمانويل ماكرون، المغربي الاصل، الكسندر بينالا تحكم عليه اليوم ب 18 شهر ديال الحبس مع وقف التنفيذ وغرامة مالية قدرها 500 اورو، ذلك بتهمة ضرب المتظاهرين ف 2018 من بعد ما تنشر واحد الفيديو كيبان فيه وهو كيضرب ناس خارجين يتظاهروا في يوم عيد العمال، وكان منتحل صفة رجل الامن.
وطالب المدعي العام، حسب الموقع الفرنسي "لوبرزيان"، باش يتحاكم حتى على تهمة الاحتيال في استخدم جوازات سفر مزورة، وايضا حيث كان عندوا سلاح بدون رخصة ف 2017.
وقال المدعي العام انه خاصوا يتمنع لمدة عشر سنين من حيازة الاسلحة، وماياخد حتى منصب ف الدولة لمدة خمس سنين.
واوضح المدعي العام انه ينبغي الحكم بسنة نافذة فحق فينسينت كراز لي كان حاضر مع الكسندر داك النهار، مع الحكم لمدة شهرين واربعة اشهر وقف التنفيذ ضد الشرطيين.
الكسندر بينالا كان بان ف فيديوا نتاشر بزاف وهو كيضرب دري وشاد درية من عنقها ف مظاهرة ف عيد العمال ف 2018.
https://www.leparisien.fr/faits-divers/violences-du-1er-mai-et-passeports-diplomatiques-18-mois-avec-sursis-requis-contre-alexandre-benalla-30-09-2021-W42GAJEMHRFTJKLQ7MGY3WMRLM.php