رجل اعمال صبليوني تشد بعد ما غرق بلادو والمغرب ب تيلفونات وسلعة فايك

albayancom0@gmail.com
ذكرات تقارير إخبارية، أن البوليس الاسباني شد مؤخرا رجل اعمال كيحمل الجنسية الاسبانية وتوجهات ليه تهمة الاحتيال بسباب تورطه في ترويج سلع ومنتجات مقلدة بقيمة 335 ألف يورو ف إسبانيا والمغرب عبر شبكة من الموزعين اللي كانو كيتوصلو ب السلعة على شكل كوليات ف البوسطات.
وأضافت التقارير ذاتها، أن المتهم تشد ف عملية أمنية مشتركة بين البوليس ومصلحة الضرائب ف مدريد، بعد تسويقه في العامين الفايتين منتجات غير مصرح له ببيعها بحال التيلفونات والآلات الكهربائية، ولقاو داخل هنڭار بمنطقة " أرڭاندا ديل ري" عشرات التيلفونات ديال ماركات عالمية و1467 ديال صنادق عامرين سلع ومنتجات و 3152 منشار ديال الضو و10 آلاف باف و 60 آلة ديال التلحيم و75 موطور ديال الضو و588 مكيف هوائي و3084 موزع تنظيف و 3500 يورو كاش. هاذ إضافة إلى مئات الآلاف من المنتجات المقلدة من الأدوات التكنولوجية المصنوعة في الصين، كانت في جوج كونطونيرات ف ميناء فالنسيا.
وعلى حساب تحريات الأمن، وفقا لجورنال "إل باييس"، بدات التحقيقات في القضية ديال هاذ رجل الاعمال في أكتوبر 2020، بعد الاشتباه في كوليات ديال بوسطا كيرسلهم المتهم. بيانات ديال الكوليات ما كانتش كتطابق مع تلك المقدمة في مقر شركات الخدمات اللوجستية للشحن. المتهم كان السلعة كتجيه من الشينوا ف كونطونيرات وكان كيخلص الموردين عبر تقنية smurfing، اللي كتعني القيام بتحويلات مالية صغيرة ومتفرقة عبر الڭيشيات ديال الأبناك لفائدة الموردين وبلاما يخلي مصالح الضرائب يردو البال.
https://elpais.com/economia/2021-11-03/detenido-por-estafar-335500-euros-vendiendo-motosierras-y-moviles-falsos.html