خلات رسالة مكتوبة.. بنت تلاحت من الكاطريام إيطاج فعمارة يلاه كتبنى وسط مدينة العروي نواحي الناظور

خلقات واقعة مأساوية، فوسط بلدية العروي فإقليم الناظور، الحدث فوسط ساكنة المنطقة، اللي هضرات على تلميذة كتقرى فالمستوى الثانوي، و اللي تلاحت من فوق عمارة فطور البناء.
وحسب ما قالت مصادر محلية، التلميذة تلاحت من الكاطريام إيطاج ديال عمارة مزال كتبنى، وخلات رسالة مكتوبة مزال ما تعرف المحتوى ديالها.
التلميذة المذكورة، تعرضات لكسور خطيرة، بحيث تنقلات للمستشفى الحسني الإقليمي بين الحياة والموت.
الواقعة استنفرات مصالح الأمن اللي مشات لعين المكان، وفتحات تحقيق معمق، باش تتوصل للأسباب والدوافع اللي خلات هاد التلميذة تتلاح من فوق العمارة.
من جهة أخرى، قال مصدر محلي أن الشابة من المحتمل تكون كتعيش ظروف خاصة سيئة هي اللي خلاتها تحاول تنتاحر، في انتظار نتائج التحقيق.