احد قادة البوليساريو . الجبهة بحال نظام كوريا الشمالية وناس تندوف كتعاني وكتعيش بلا امل واحسن حاجة دارتها اسبانيا رجعات علاقتها مع المغرب

الحاج ولد احمد، احد قادة البوليساريو السابقين لي خرج منهم ودار مؤسسة الحركة الصحراوية من أجل السلام، وهي منظمة باغية السلم والسلام فالصحرا، دار حوار مع "لاراثون" الاسبانية.
الحاج أحمد، اللي كان خدام فما تعتبره البوليساريو سلك دبلوماسي ديالها، هاجم قادة البوليساريو لي هو كان أحد مؤسسيها وعارف مزيان اش واقع فيها، وقال بان الحركة أسسها معمر القذافي فوقت الحرب الباردة، وهو اللي كان كيعطيهم السلاح والتعليمات لمواجهة المغرب.
وعتابر الحاج احمد وهو اخ القيادي البخاري اللي مات فحوار مع "لاراثون"٬ أن قيادة البوليساريو ديارة بحال نظام كوريا الشمالية، مأثرش فيها لا سقوط جدار برلين ولا العربي العربي، ولا حتى حاجة، وبقات الايديولوجية ديالها كيف كانت.
وأكد أنه فهاد الخمسين عام، بدات البوليساريو كتفقد مصداقيتها، وبين الزمان على بزاف دالاخطاء والتجاوزات، وهادشي خلا الالاف يرجعو للمغرب.
وزاد باللي احسن حاجة دارتها اسبانيا، هي انها رجعات علاقتها مع المغرب، وخاص تا الجزائر دير هادشي، باش يتحل مشكل الصحرا بسرعة حقاش الشعب لي فتندوف هو لي كيعاني، والمواجهة كتعمق الازمة ماشي كتحلها.
https://www.larazon.es/espana/20220323/ogpacqfmbfdetnrcmrod6dodvy.html