ام لمحمدي بكات بزاف باش تضرب بونو ومو ما بغاتش تحضر للماتش =صورة حصرية

البارح الثلاث 29 مارس 2022 باش طاح حارس الاسود ياسين بونو فماتش المغرب ضد الكونگو فاياب الباراج المؤدي الى مونديال قطر٬ بزافت لمغاربة تخلعو عليه. بكاو عليه. خافو توقع ليه شي حاجة.
ام لعاب بكات بزاف بزاف هي ام منير محاند لمحمدي. كانت كيف عاينتها "كود" فالماتش. العائلات كلها كانت خايفة ومتأثرة ولكن ام لمحمدي اللي دخل فبلاصة بونو تأثرات بزاف. لفترة وهي تبكي واللي حداها يحاول يساويها.
وفق ما علمته "كود" فام الحارس بونو اللي ما كانش فالتيران٬ ما بغاتش تحضر للماتش. واش كان عندها شي احساس باللي شي حاجة غادية توقع؟ محتمل. احاسيس الام فهاد الامور ديما صادقة.
ام لمحمدي ما سكتات شوية حتى شافت الحارس بونو ماشي فمرحلة الخطر.
طبيب المنتخب الدكتور الهيفتي قال باللي غادي يبقى 24 ساعة تحت المراقبة الطبية وغادي يغادر المصحة اللي مشى ليها.