وزير الخارجية الإسباني دار اجتماع مع رئيس حكومة مليلية باش يحسمو فتاريخ فتح المعابر الحدودية

استدعى وزير الخارجية الصبليوني خوسي ألباريس، رئيس حكومة مليلية المحتلة، إدواردو ديكاسترو، لاجتماع بيناتهم باش يحددو فيه التاريخ اللي غيتفتحو فيهم الحدود البرية بين الناظور ومليلية المحتلة.
وماشي بعيد يستدعي وزير الخارجية الصبليوني، حتى رئيس حكومة سبتة المحتلة فهاد اليومين، باش ياخدو حتى هوما قرار خاص بتحديد تاريخ فتح المعابر الحدودية.
وقال إدواردو ديكاسترو، رئيس حكومة مليلية، بللي لحدود الساعة ماكاينش شي قرار رسمي أو تاريخ محدد اللي غادي تفتح فيه حدود مليلية المحتلة، غير أنه أكد على أن الاجتماع بينو وبين وزير الخارجية، تدار على هاد الموضوع اللي عندو أهمية كبيرة.