اللي بغا يشريها خاص يقدر يبات فيها ليلة معزول.. ميريكاني عرض جزيرتو للبيع

راجل ميريكاني سميتو بيلي ميليكين، الوكيل العقاري اللي شرا جزيرة "داك ليدجيز" (Duck Ledges) فعام 2007، عرض هاد الأخيرة للبيع مقابل 339 ألف دولار، وحط شرط لأي شخص غادي يشريها يجي يدوز فيها ليلة باش يعرف بحق العزلة اللي كيحس بيها الواحد تما، حسب ما جا فتقرير نشرو جورنال "The Times" البريطاني يوم الثلاثاء 26 أبريل 2022.
مول الجزيرة (52 عام) قال أنه شراها من بعد ما كان كيسمسر لمولاها باش يبيعها، وفاللخر قرر يخليها لراسو لأنها تستحق.
30 واحد قالو أنهم بغاو يشريو الجزيرة، والمالك كيتحقق أنهم ما كيتفلاوش، ويشوف قدرتهم على التعايش مع العزلة فهاد الجزيرة الصغيرة اللي كاينة قبالة ساحل ولاية "مين" فشمال ميريكان.