وفين يا صحاب النيف مالكم خفتو وتراجعتو وابقاو رجال. نظام العسكر فالدزاير غير خرجو فيه الاوربيون عينيهم تراجع: اللا ابدا واش بغينا نتراجعو على شي حاجة

النظام الجزائري نظام غبي. بغى يقلد المروك كيف كيقول لينا فكلشي. بغى يهدد الصبليون. خرج بيان رسمي من مؤسسات مالية ديالو كيقول باللي تم تعليق اتفاقية حسن الجوار مع مدريد وباللي ما بقى لا تصدير لا استيراد... طبعا الاتحاد الاوربي هدد عسكر الدزاير. حمر العين. ساعات وهو يخرج بيان رسمي كيعتادر.
الحكومة الدزارية ماشي غير حيدو السروال. كثر. قال فبيان رسمي "التصريحات اللي خرجو بها المتحدثون الرسميون بإسم دائرة العمل الخارجي فالإتحاد الأوروبي، عل قرار الجزائر تعليق العمل بمعاهدة الصداقة مع إسبانيا، هي (التصريحات) غير مناسبة وماشي مبررة".
وتابع ذات المصدر، "إن تعليق معاهدة الصداقة وحسن الجوار والتعاون تخص العلاقات الثنائية الجزائرية الاسبانية، وهي اتفاقية إسبانية لا تلزم الاتحاد الأوروبي بأي حال من الأحوال".
وحاول ذات المصدر الجزائري باش يقدم تبريرات بخصوص قرار بلادو تعليق معاهدة "الصداقة وحسن الجوار والتعاون" مع إسبانيا، متهما هذه الأخيرة ب"عدم الوفاء بالتزاماتها تجاه المعاهدة"، لافتا الى أن الحكومة الجزائرية لم تبلغ في أي وقت بنيّة أو قرار تغيير موقف الحكومة الإسبانية "جذريًا" بشأن نزاع الصحراء، في إشارة إلى إعلان دعمها الكامل لمبادرة الحكم الذاتي لحل النزاع.
الاتحاد الاوربي كان واضح. قال لحكام الدزاير قراركم راه مصدر قلق بالغ لينا. كثر من هاد الشي منسق السياسة الخارجية والأمنية بالاتحاد الأوروبي الاسباني جوزيب بوريل قال باللي غادي يكون تقييم لتداعيات "الإجراءات الجزائرية" منها هاداك التوجيه الصادر للمؤسسات المالية لوقف المعاملات بين البلدين باللي هاد الشي ينتاهك "معاهدة الشراكة بين الاتحاد الأوروبي والجزائر"، خصوصاً ما يتعلق منها بالتجارة والاستثمار.
سمعو جينرالات الجزائر لكلام ما بقى عندهم لا نيف لا غيرو.
المغرب باش قرر يوقف تعاملو مع اسبانيا وقبلها المانيا ما عقل على حد. الاتحاد الاوربي هدر وما تسوقش ليه. بغاو ينقلو منا صدقو ضحكة فالجزائر وفاوربا.