بنت كتقرا فعامها الثاني فجامعة "Southampton" البريطانية، حسات بالوجع ودخلات للطواليط كيف موالفة بعد كل إحساس بألم بحال هذا، لكن هاد المرة تفاجآت براسها ولدات دري الوزن ديالو 3 كيلو. الطالبة اللي سميتها "Jess Davis"، وعندها يلاه 20 عام واللي من مدينة بريستول، قالت أنها ماكانتش نهائيا عارفة راسها واش حاملة وأنها هادي شهورة كانت كتحس بالوجع بحال ديال ليغيكَل. الطبيب كشف أن الدري عندو 35 سيمانة، والبنت من جيهتها أكدات بللي عمرها ماكانت عارفة واش هي حاملة ولا لا، وقالت أنها تصدمات بزاف فاللول وكان كيسحاب ليها غير كتحلم حتى سمعات البيبي كيغوت، وخدات شوية ديال الوقت باش تقدر تستوعب أشنو وقع بالضبط وتفهم بللي راها فعلا ولدات. Student gives birth in toilet while preparing for night out https://t.co/s2zt38Yq1l — The Independent (@Independent) June 26, 2022 ورجعات "Jess Davis" أكدات من بعد بللي دبا كتحس براسها محظوظة بهاد "الزيادة" اللي ماكانتش متوقعاها نهائيا وراها فرحانة بزاف بوليدها.
