الرجاء والوداد حاضرين فگنازة عمر الخيام

عرفت الجنازة ديال الراحل عبد الحق الخيام المدير السابق ديال المكتب المركزي للأبحاث القضائية اللي توفى ففجر اليوم الثلاثاء، حضور لشخصيات وازنة فالمغرب فمختلف المجالات.
المجال الرياضي فمدينة الدار البيضاء حتى هو كان حاضر بدورو فتشييع جثمان الراحل عبد الحق الخيام بمقبرة الشهداء بالدار البيضاء، من خلال قطبي كرة القدم المغربية الرجاء والوداد.
فعن الرجاء الرياضي كان حاضر فالجنازة الفنان سعد التسولي الناطق الرسمي ديال النادي، أما عن فريق الوداد الرياضي فكان حاضر سعيد الناصيري الرئيس ديال المكتب المديري شخصيا، واللي كايشغل أيضا عضو فالمكتب المديري ديال الجامعة الملكية المغربية لكرة القدم.
وانتقل فالفجر ديال اليوم الثلاثاء، عبد الحق الخيام المدير السابق ديال المكتب المركزي للأبحاث القضائية، وتم تشييع الجنازة ديال بمقبرة الشهداء بمدينة الدار البيضاء.
ويعتبر الراحل الخيام اللي توفى عن عمر 64 سنة، من رموز مكافحة الإرهاب فالمغرب، وتعرف أيضا بالحب ديالو للرجاء الرياضي واحترامو لجميع الفعاليات الرياضية وارتباطو بعلاقات صداقة مع الرياضيين ومن ضمنهم الوداديين.