الطلبة المغاربة لي رجعو من أوكرانيا واحلين يين الإدماج فالمغرب والعودة لأوربا

كشف تسريب صوتي توصلت بيه "كود" عن اهم النقاط اللي تطرقات ليهم القنصلية الأوكرانية و خلية اسر الطلبة واللي منها إمكانية الطلبة اكملو الدراسة ديالهم عن بعد ويديرو التدريبات ديالهم فالمغرب.
وأكد مسؤولين من أوكرانيا في لقاء لهم مع اسر الطلبة العائدين من أوكرانيا البارح في مقر السفارة الأوكرانية بالرباط على ان الدراسة عن بعد والتدريب في المغرب معترف به، وأضافو على ان الطلبة يقدرو يلتحقو بالكليات ديالهم فأوكرانيا كمسألة اختيارية عن طريق فيزا طرونزيت إما عن طريق رومانيا او مالدوفيا ولكن السفارة ماقدمات حتى شي جواب بالنسبة للطلبة الى بغاو يعاودو يرجعو الشئ اللي اعتابراتو المصرحة على ان فيه خطورة.
وجاء في التسجيل ايضا على ان اندماج الطلبة العائدين من أوكرانيا غيكون من بعد اجتيازهم لإختبار انتقائي واللي غيكون اخر اجل ديالو 16شتنبر وغيتعلن على النتائج ديالو نهار 24 من نفس الشهر لذلك الوزارة معندهاش فكرة على العدد ديال الطلبة اللي عندهم رغبة في الاندماج حاليا، إلا ان اوكرانيا حتى هي حددات اخر اجل للتسجيل ودفع الرسوم الدراسة ف 16 شتنبر واللي غيخلق مشكل بالنسبة للطلبة اللي غيرسبو فالامتحان باش يندمجو فالكليات المغربية واللي قدامهم غير العودة للكليات لأوكرانية.