آسفي كيصعد ضد التحكيم وكيتهم حكمين بافساد ماتش ليفار وكيشبهو يللي وقع ليهم في ماتش الرجا

عبر أولمبيك آسفي من جديد على أنه ما راضيش بالقرارات التحكيمية اللي كتصدر فليماتش ديالو، واحتج على مستوى التحكيم فالماتش اللي لعب ضد الجيش الملكي فمؤجل الجولة 5 من البطولة الاحترافية لكرة القدم، وهو الماتش اللي كان فيه الحكم كريم صبري فالساحة ورضوان جيد فالفار.
وكيشوف أولمبيك آسفي أن الحالات التحكيمية فالماتش ديالو ضد الجيش الملكي واللي قادو الحكم كريم صبري وكان فيه كريم صبري فغرفة الفار، أثرت على السير العام والنتيجة النهائية للمباراة.
وكشف أولمبيك آسفي أنه تم تسجيل 4 حالات مؤثرة ساهم فيها التحكيم جملة وتفصيلا فإفساد المباراة والابتعاد عن منطق النزاهة والحياد وتطبيق القانون بشكل سليم، وبلي كان تصميم من الحكمين كريم صبري ورضوان جيد على ارتكاب "مجزرة" تحكيمية في حق النادي.
وجبد أولمبيك آسفي الحالات التحكيمية فماتش الفريق مع الجيش الملكي بالتفصيل، وقال إنه: "فالدقيقة 44 عدم الإعلان عن ضربة جزاء لصالح أولمبيك أسفي، والامتناع عن تقديم الإنذار الثاني للاعب الجيش الملكي لعربي الناجي، من الإنذار الأول فالدقيقة 37 بعد ارتكابه لعنف ظاهر وتتكرر في الدقيقة 40 واللي عرف تساهل الحكم عوض إنذاره، فالدقيقة 87 إنذار حارس الجيش الملكي ورقة صفراء عوض الطرد، وهو الذي ارتكب خطأ خارج مربع العمليات بعنف ظاهر، وفالدقيقة 93 قرار كارثي للحكم كريم صبري ومعه رضوان جيد بعد إسقاط لاعب أولمبيك أسفي بعنف وشد وجذب من القميص والإمساك عن استعمال الفار للحسم في الموضوع".
وواصل أولمبيك آسفي وقال: "راه حنا أمام حالات تحكيمية كتشابه مع الدورة الأولى من البطولة أمام الرجاء اللي كيأكد أن فرقتنا صبحت مستهدفة من طرف الحكام برغم تعدد الشكايات و التظلم من قرارات الحكام وما كنتوصلوش بحتى رد فالموضوع، هاذشي فالوقت اللي كيبصم نادي أولمبيك أسفي لكرة القدم لاعبين، ومسيرين، وأطر تقنية و جماهير على موسم متميز وهناك من يسعى إلى اجهاضه".