شوهة عالمية كشفاتها CNN.. البرلماني بن الطالب ضرب لراسو الطر بالبندير واعترف بلا عصا: دخلت عائلتي كاملة للبرلمان ومستعد ندخل المشة ديالي تاهي

حسب جريدة CNN، عائلة بن الطالب البرلمانية والسياسية استاضفات مستثمرين اسرائليين عندها فالدار على قبل شي مشاريع غيدارو فالمغرب وفاخلال هاد الزيارة كانت محادثة بين الوفد وبين بن الطالب اللي عندو بزاف دالصفات فحال عضو فالبرلمان ورئيس غرفة الفلاحة بجهة مراكش اسفي ورئيس اتحاد الغرف الفلاحية بالمغرب.
بن الطالب بدا يبان بالمنصب ديالو ويفتاخر بزبايلو وكفاش ضبر لعائلتو كاملين فمناصب قيادية بدون استثناء من بنتو فاطمة الزهراء وولدو عثمان الطالب اللي ولاو اعضاء فالبرلمان وحتى مرتو عضوة فالبرلمان 15 سنة هادي و تم ترشيحها بأحد الجماعات بمراكش شار بن علي فالنقاش ديالو بوجهو حمر على انه سيطر حتى المشة ديالو الى بغا يدخلها للبرلمان المغربي ماشي صعيب عليه
وحسب نفس المصدر بناء على داكشي اللي كيقول كان مسيطر على الانتخابات فامدينة مراكش وكيختار الاشخاص اللي غيطلعو لمقاعد السلطة.
بن الطالب شخصية دخلات السياسة 25 سنة دبا حيث اكتسب ثروة كبيرة فوقت قصير وكان ايضا مدير تعاونية "le bon lait" قبل مادير افلاس اللي خلا العمال يرفعو دعوة عليه ولكن القضية تضمسات دغيا غير بمكالمة.
وجاء فالجريدة على ان امثال بن الطالب هوما اللي خلاو الشباب المغربي يفقد الثقة فالسياسيين وانه ممكن يكون سبب وراء ظهور حركة 20فبراير.