الانتدابت حطات البدراوي فأزمة جديدة داخل الرجاء

طالب التونسي منذر الكبير مدرب الرجاء الرياضي إدارة النادي برئاسة عزيز البدراوي بتدعيم صفوف الفريق فالميركاتو الشتوي اللي جاي، باش يحقق نتائج إيجابية وينافس على المسابقات اللي مشارك فيها.
وأكد منذر لكبير حسب مصدر مطلع، على إدارة الرجاء أنه من الضروري يتم جلب أسماء جديدة للفريق، حيث عدد من اللعابا اللي جاو فالصيف ما عطاوش الاضافة للخضرا وما قنعوش المدرب الحالي، مع العلم أن البدراوي سنا مع اللعابا اللي جاول للفريق فالصيف تحت إشراف لجنة تقنية كانت مكونة من بعد الإله فهمي وهلال الطير وهاذشي قبل ما يمشي المدرب التونسي السابق للفريق فوزي البنزرتي.
وكيتعتبر التعاقد مع لاعبين جداد تحدي بالنسبة للرجاء والمكتب المديري ديال النادي برئاسة البدراوي، حيث الفرقة مطالبة باش تحل مشكل النزاعات مع عدد من اللعابا اللي مشاو من الخضرا فالصيف اللي فات، وكيطالبو بمستحقاتهم، وهاذشي كيعني أن الفريق فمشكل حيث ما حيلتو يحل مشاكل مستحقات اللعابا السابقين أو يصرف باش يسني مع لعابا جداد.