اليوم حنا لي تا ناكدو ليكم بلي أنتم أبطال أسود وتاج فوق ريوسنا .... انتم اليوم ما محتاجين تاكدو لينا والو .... حنا معاكم وقدامكم وفجنبكم ووراكم

اليوم حنا عارفينكم ومتأكدين أن وليد الركراكي والأسود ديالنا غتقاتلو وتموتو على الكرة ديالكم، على ود القميص الوطني، وعلى الراية د البلاد وعلى المغرب لي ثاق فيكم وثقتو فيه... وكل واحد فيكم غيتقاتل على ود الإسم لي هاز فالقميص الوطني ديالو... وعلى مستقبلكم ... وعلى ود أمهاتكم وعائلاتكم. وشعبكم..
كل واحد فيكم ما وصلش هنا بالساهل وما كانتش طريقو ساهلة... اليوم حنا لي تا ناكدو ليكم بلي أنتم أبطال أسود وتحملون أسماء كبيرة، وانتم تاج فوق ريوسنا .... انتم اليوم ما محتاجين تاكدو لينا والو .... اكدتو لينا مستواكم العالي، وقتاليتكم على ود راية بلادكم وجمهوركم وشعبكم .. اليوم انتم فرجونا ومتعونا، لانكم كتفرجو وكتمتعو العالم كامل ...
إلى كانت البرتغال عندها رونالدو واحد. حنا عندنا 25 لاعب في فريقنا من عيار رونالدو وكثر ... حنا كنشوفكم بعيون جمهور كروي حتى النخاع وجمهور كيشوفكم بعقلو وعينو وقلبو ... العالم كلو اعتارف بمستواكم وكل واحد فيكم يستاهل مستقبل كبير وعندو قدامو مستقبل كبير...
انت سي وليد عندك الرجال الأسود وحنا عندنا راس د لافوكا... تنتيقو فيكم... و دايرين النية... ولي جا بسم الله... ما تهزو هم تا لشي حاجه حنا معاكم وقدامكم وفجنبكم ووراكم ... وديما مغريب ...
و لا بد نقولو كلمة حق: تحية وشكر كبير للجامعة الملكية لكرة القدم في شخص رئيسها فوزي... لي تيخدم راه تيخدم وخدمتو تتبان، هذا هو الواقع، لي خدام وتيوقف على شغلو را خدمتو تتجيب الثمار ديالها... وهدي نتيجة الثقة في الكفاءات الوطنية.
سير.... سير .... سير ....