واش بصح ولاد عائلات المحامين والقضاة مسيطرين على نتائج كونكور المحاماة ولا زادو فيه؟.. مقرب من وزير العدل ل"كود": 32 فقط من أصل 2000 لي فيهم هاد الحالة و77 فالمائة لي سقطو كيدوزو كونكور المنتدبين القضائيين

كشف مصدر مقرب من عبد اللطيف وهبي وزير العدل، ل"كود"، أن 32 ناجحا في الامتحان الكتابي لولوج مهنة المحاماة، فقط من يحملون أسماء عائلات في مهنة المحاماة وأبناء مسؤولين في القضاء، وذلك من بين 2000 متباري ناجح.
وأكد ذات المصدر، بأن زوجة قيادي بارز في حزب الأصالة والمعاصرة، وعندو منصب فالتنظيم، منجحاتش، وكذلك كاين من بين الناجحين مؤذن مسجد من مراكش، قرا واجتهد وجاب نتيجة مزيانة، والكثير من الحالات.
وسجل نفس المصدر، بأن 77.20 في المائة من اللي كيدوزو مباراة المنتدبين القضائيين كانو دوزو امتحان المحاماة، متسائلا :"يلا كانو كيشكو فالمباراة علاش يجيو يدوزو، وراه بزاف ديال الحسابات الوهمية دارو اخبار زائفة بلا أدلة".
وفسر ذات المصدر ديك 32 لي نجحات بالقول "طبيعي واحد كيتناقش مع باه صباح مساء فدار ويعرف كيفاش كيدوز الكونكور وعندو التطبيق كثر".
وقال ذات المسؤول في جوابه على سؤال "كود" بخصوص نجاح مستشارة بديوانه ومدير مركزي فالوزارة، بالقول :"القانون مكيمنعش هادو يدوزو الكونكور، واخا يكون وزير من حقو يدوز الكونكور"، مضيفا :"المدير المركزي من حقو، والمستشارة القانونية يلا مقدراتش تنجح فهاد الكونكور لا تستحق أن تكون مستشارة في ديوان وزير العدل".