وفين النيف الدزايري والكذوب؟ بلا ماتعتاذر وبلا ماطيح للارض معهم فرنسا خرجات بيان: باريس والجزائر طواو صفحة الأزمة الدبلوماسية بيناتهم والسفير الجزائري قريب يرجع

الرئاسة الفرنسية، قالت فبيان، خرجاتو اليوم، ان باريس والجزائر طواو صفحة الأزمة الدبلوماسية بيناتهم.
واضاف الاليزي ان السفير الجزائري ففرنسا غادي يرجع لباريس فهاد الايام، وهادشي قالو الرئيس الجزائري عبد المجيد تبون للرئيس الفرنسي إيمانويل ماكرون فمحادثة فالتيليفون، وعلنو بجوج على رغبتهم في مواصلة "تعزيز التعاون الثنائي"، حسب الإليزي.
وقالك الرئيسان فهاد المحادثة الهاتفية حيدو عليهم "سوء التفاهم" اللي عندو علاقة بالخلاف حول الناشطة الفرنسية-الجزائرية أميرة بوراوي واتافقو باش يعززو قنوات الاتصال... باي مايتعاودش هاد النوع من سوء التفاهم "المؤسف".
للاشارة، هاد المصالحة راها جات بلا اعتذار رسمي ديال فرنسا، بلا والو.. وهكاك الدزاير قبلوها!
https://www.elysee.fr/emmanuel-macron/2023/03/24/entretien-telephonique-avec-abdelmadjid-tebboune-president-de-la-republique-algerienne-democratique-et-populaire-1