صوتك يساوي أكثر من 200 درهم طالب بما هوأكثر من ذلك

تحية و تقدير لكل واحد غيور على هذه القبيلة بني گرفط , هناك مرضمستشري في مجمل ساكنة بني گرفط و هو تقديم المصلحة الشخصية على المصلحة العامة في بني گرفط .
كما يعرف الجميع نسبة التصويت جد منخفضة علي مستوىالجماعة , مداشرلات صوت و هدا بسبب عدد من القناعات , وبما أن الإنتخبات اقتربت فالواقع السياسي سيشتعل وهذا العام سيكون صراع كبير بين الأحزاب السياسية و بما أن هذه الأحزاب السياسية عرفت ان سكان المداشر لاتصوت ستضطر أن تركز على بعض المداشر التي تكون فيها نسبة التصويت مرتفعة مثل (الصخرة و لهرة و الزوة و بوهاني و سعدانة و الكيفان و الخطوط و الصفصاف و القليعة) .. لماذا ؟ لأنسكان هذه المداشر من السهل ان تكذب عليهم أو تشتري اصواتهم بالمال أو بطريقة أخري و هدا يرجع لنسبة الوعي المتدنية للساكنة .
صوتك يا أخي الگرفطي هوا "لي كيعون هاد الفئة د نياب المسترزقين باش دوصال نالكراسي و كدالك كدوقاع واحد المساومة بين النياب و الأحزاب السياسية علي الصوت ديالك .. كيفاش زعما ؟ تباع معيا و أنا عنقلك كيفاش ..
كيما دكرنا قبل، الصراع حول المقاعد الإنتخابية سيكون مشتعلا من اين تاتي هاد الفلوس والرشاوي و شكون كيعطيهم ؟ وهنا غدي نشرحلك واحد العملية من بزاف د العمليات لي كدوقع .. حنا علي أعتاب أيام قليلة من الإنتخبات و هنا كيتم التفاوض بين النياب و الأحزاب السياسية بحيت يتم الجلوس في المقاهي أو فمقرات الأحزاب أو في أماكن مغلقة ويتم البيع و الشراء النائب كيعرض علي الحزب أنه إدا بغا يلبس القميص ديالو فلبد من دفع مبلغ من الماااال و هاد المبلغ هدا كيتحدد علي شحال من واحد غدي إصوت فديك الدائرة .. مثلا النايب كيكلس مع الحزب و كيقلو أنا عندي فدائرة ديالي قدا و قدا ديال الناس عدصوت عليا شحال د عطيني و كل حزب و الميزانية ديالو علا داك الشي ملي كدقرب الإنتخبات غاااالبا منكجبرو واحد التحرك من نياب المنطقة إدا كانت شي طريق يتم تعبيدها و إدا كين شي أنصار ديالو كيضبر عليهم و ما إلا دالك .
الشاهد فهاد شي كامل و هوا أنه على ناس بني گرفط دعرف بلي الصوت ديالك أخي الگرفطي كد تدفع عليه فلوس صحيحة
إدن هنا خصنا نفكرو و نطرحو بزززاف د الأسئلة و نحولو نجبرو حلول , كيفاش الساكنة بني گرفط حتي هية دكون طرف فالمفوضات بين النياب و الأحزاب ؟ كيفاش الساكنة ديال بني گرفط مدبقاش واحد الورقة راااابحة فيد النياب الشلاهبية و الأحزاب لي كاد متلها لكن لا تستفيد من شيئ ؟ علاش مدكونش كاينة واحد النواة مستقلة كدراقب الوضع و تتدخل من أجل وقف هاد المهزلة ؟
باقي ميتقال ولكن كنشوف راسي طولت شوية و كنطلب مجددا من أصحاب الخبرة و التجربة لي عندم غيرة على بني گرفط يا أخي غير شرك و هضر ربما د تولد حلول حنا عااارفين صعييب د غير و التغير لا يأتي بين ليلة و ضحاها و لكن لا ضرر من المحاولة .. و أنا عرف بلي كااين شبااب هنا تبارك الله عليهم و قادرين أنهم إزيدو بالمنطقة نالقدام
اللهم إني قد بلغت