سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
فضييحة جديدة أمام البرلمان: ضرب وتعنيف برلماني، والأخير يقرر اللجوء الى القضاء، و يتهم باشا الرباط، ويكشف حيثيات الموضوع في حوار صريح (أنظر نص الحوار):
في فضيحة جديدة أما البرلمان المغربي، تعرض النائب البرلماني عبد الصمد الادريسي من حزب العدالة و التنمية للضرب و التعنيف من طرف القوات العمومية، التي كانت قد نفذت تدخلا لتفريق احتجاجات المعطلين حيث طال البرلماني المذكور ضرب مبرح مرفوق بأصناف شتى من العبارات النابية والكلام الساقط، وقال بأن “باشا الرباط هو المسؤول عن تعنيفي”. و أظاف الضحية في حوار صريح مع “كود”: ضربوني وعنفوني باش عرفوني برلماني وكالو لي انتوما شفارة طالعين بالرشوة، وفيما يلي النص الكامل للحوار: أش وقع ليك حتى ضرباتك القوات العمومية واش انت اللي مشيتي عندهم ولا وقع هاد الشي صدفة؟ حوالي الساعة الخامسة والنصف كنت جاي من شارع الحسن الثاني لشارع محمد الخامس، حدا البوسط (بريد المغرب) وشفت القوات العمومية كيضربو بشكل وحشي المعطلين، بان لي جوج منهم كيضربو واحد من المعطلين هزوه من رجليه وكانوا معاه قاسيين، وأنا نمشي عندهم باش نفكوا أش وقع من بعد؟ قدمت راسي وجا عندي باشا حسان وعميد شرطة، هو اللي كال لي راه عميد شرطة واش قدمتي راسك وگلتي ليهم راك برلماني؟ أكثر من هاذ الشي، باش سولني كلت ليهم برلماني طلب مني البطاقة، خرجت البطاقة ديال البرلماني وقدمت ليهم حتى جواز سفر الخدمة وعلاش ضربوك باش قدمتي ليهم كل هاد الشي؟ باش تعرفو علي كال ليهم الشاف ديالهم عطيوه وضربوه أش وقع من بعد؟ وليت أنا الموضوع من البوسطة حتى لبنك المغرب وبالضبط حدا الكشك اللي كيبيع الجورنال. ضربوني بالبونية وعنفوني وجروني وجرجروني وسمعوني اللي ما عمرني سمعتو فحياتي. الهدرة الهابطة اللي تحت السمطة. أش ان هو المعيور اللي تقدر تكولو لقراء “كود”؟ هاد الناس ديال القوات العمومية كانوا عارفين أنني برلماني وعارفين الحزب اللي فيه (العدالة والتنمية) كانوا كيضربوني ويگولو لي باغي الشهرة؟ انتوما طالعين على ظهرنا؟ انتوما الشفارة. طالعين غير بالرشوة. كاينة هدرة أخرى ما تسمحش لي أخلاقي نگولها. واش طلقوك من بعد؟ اللا كانوا غاديين يطلعوني للصطافيط وقاومتهم وتجمعوا عليهم الناس وطلقوني. دابا قررتي تتقدم بدعوى ضد هاد القوات العمومية اللي كتعرفهم؟ غادي نتابعهم، وراني خبرت رئيس الفريق (عبد الله بوانو) ورئيس منتدى “الكرامة” باعتباري عضو فيه. واش كتعتقد باللي الاعتداء الهمجي اللي تعرضتي ليه كيستهدف حزبك؟ ما نقدرش نعرف واش ضد الحزب ولا ضد البرلمانيين. هادوك الناس (القوات العمومية) كيستهدفو كل واحد كيكون فالشارع وكيكول هاد الشي ماشي معقول. وعلاش دخلتي وگلتي للقوات العمومية هاد الشي معقول؟ من واجبي كممثل للشعب وعضو في منتدى “الكرامة” الحقوقي ان ارفض وأدين كل تعنيف غير مبرر، وما عاينته تعنيف غير مبرر ووحشي وخرق سافر للقانون، لذا تدخلت
