محزن جدا: أطباء بمستشفى "ابن رشد" يوجهون نداء استغاثة عاجل لساكنة الدار البيضاء

تناقلت صفحات عبر الفيسبوك، نداء استغاثة عاجل، وجهه أطباء بمستشفى "ابن رشد" لساكنة الدار البيضاء، جاء فيه:"لي عندو فندق أو شي شقة في الأحياء المجاورة لمستشفى إبن رشد و 20 غشت و الهاروشي يسلفها لينا بينما دازت هاد المحنة".
وتابع الأطباء عبر ذات النداء:"اليوم كانعيشو واحد الضغط رهيب، واحلين مابين مطرقة المرض و سندان واليدينا لي كبار فالسن و كيعانيو من أمراض مزمنة.. ديرو راسكم فبلاصتنا و تخيلو الوسواس لي كانحسو بيه كل مرة كانذخلو من الحراسة فالمستعجلات ديال ابن رشد بعد ما كانقلبو حالات مشكوك فيها و أخرى مؤكدة و ما عندك فين تمشي يا داركم يا تنعس فالطوموبيل، كين لي تا ديك الطوموبيل ما عندوش".
وناشد الأطباء جود مغاربة البيضاء، قائلين:"الله يرحم الواليدين ، حنا كازاوا و ولاد المدينة ، أغلبنا زاد فأحياء شعبية و شق طريقو حتا وصلنا لداك الشويا ديال العلم لي واصلين ليه ، حنا مستاعدين من غدا نتوادعو مع واليدينا و نخرجو نخدمو بضمير و بال مرتاح ، مستاعدين نعرضو راسنا لخطر الإصابة على قبلكم لكن ما مستاعدينش نعرضو واليدينا للمرض أو لا قدر الله الموت حيت ديك الساعة ما غانقدروش نخدمو و عمرنا نسامحو راسنا ، لي كانطلبو منكم هو لي عندو شي شقة في الأحياء المجاورة لإبن رشد و 20 غشت و الهاروشي يسلفها لينا بينما دازت هاد المحنة ، نداؤنا أيضا لأرباب الفنادق لي كاتصفر ، ديرو فينا هاد الخير كيف غادي نتهلاو فيكم و فواليديكم و حبابكم بالإمكانات لي عندنا ساعدونا بالإمكانات لي عندكم ، أحسن أجر و صدقة جارية تقدرو تديروها هي هادي حيت و الله تا هادشي لي كانفكرو فيه ليل و نهار ، لا غير فندق واحد تكفل بهاد القضية فغادي تحلو هاد الأزمة لي مأرقانا منذ أيام و ما لقينا ليها الجهد المادي ولا الحل".
وختم النداء بالتأكيد:"كانواعدوكم أمانتكم كيف تسلمناها نردوها ليكم راحنا شباب واعي اللخر فينا bac +8، و مستاعدين نقدمو الضمانات لي بغيتو .لي قادر يعاون يتواصل معانا على ال WhatsApp في الرقم : 0649917197".