قصة مؤلمة في بلاد الغربة . هكذا أنقذ الهولانديين فتاة مغربية من الضياع

هي قصة مؤلمة وحقيقية ترويها "لأخبارنا" فتاة في عمر الزهور تقيم حاليا بالديار الهولاندية ، وسيمة . ق ابنة بني ملال تزوجت بشاب هولاندي يحمل الجنسية المغربية بوساطة من عائلتها التي تقيم بهولاندا ورحلت معه الى هناك السنة الماضية ، لكن سرعان ما اكتشفت في الزوج الذي كانت تأمل أن تقضي معه باقي أيام حياتها أشياء لا تطاق ، فالزوج مدمن مخدرات يطالبها بالأموال باعتباره هو من كان سببا في عملها بهولاندا ، وحتى الحياة الزوجية الطبيعية أصبحت مستحيلة معه تروي وسيمة "لأخبارنا" فهو لا يمنحها حقها الشرعي بل وصل به ادمانه الى حد السب والشتم وتعداه الى ضربها واصابتها بجروح وكدمات .
وسيمة تحكي "لأخبارنا" قررت ان أتوجه الى الشرطة بعد أن حاولت مرارا مع عائلة زوجي وعائلتي بهولاندا حل المشكل وديا ، إلا أنني أتفاجأ بأنهم خدلوني ، وهذا ما دفعني بالتوجه الى قسم الشرطة على متن دراجتي الهوائية ، كانت ثقتي كبيرة في الدولة الهولاندية أن لا تخدلني كما خدلوني ذوي القربى من أبناء جنسي المغاربة ، تقول وسيمة "لأخبارنا" :"مانكدبش عليكم كنت مخلوعة بزاف لا يصيفتوني البوليس الهولانديين للمغرب وخصوصا وان سمعت بلي عائلتي فالمغرب حتى هما قرروا باش ما يدخلونيش لدار الى رجعت ، على اي انا مشيت للشرطة وحكيت ليهم المعاناة ديالي مع راجلي وكيفاش ضربني ، البوليس تهلاو فيا وقالو ليا ماتخافيش ، وجات مشرفة اجتماعية هولاندية وازراتني وداوني لواحد الجمعية بعيدا عن البلدة اللي فيها راجلي ، حيك قالو ليا حنا غانباعدوك عليه من اجل سلامتك ، فالوقت اللي هادوك اللي جابوني قلزو ليا ."
وتضيف وسيمة "لأخبارنا" : "عرفتو دوك الهولانديين راهم ملائكة لانهم داكشي اللي دارو معايا والدية كون كانو حيين وما يديروهش معايا ، داوني لجمعية وعطاوني بيت فيه طواليت وناموسية ودوش ، واش عرفتو راه هولاندية هي اللي كاتسخر عليا وتجيب ليا الفطور والغدا والعشا في وقته ، هاديك الهولاندية ما عمرني نسا خيرها حيك كانت كاتغسل ليا ودوش ليا لانني كنت دايرة عملية جراحية وما سول فيا تاحد من خوتنا المغاربة وخوتنا الهولانديين الله يجازيهم بخير هما اللي كانو مقابليني ومداوييني ، لدرجة كانت الهولاندية وصاحبتها كايدخلوني لطواليط وكايبقاو واقفين على راسي، فالوقت اللي تاحد من خوتي المغاربة ما قرب ليا اللهم شي بعضين ما خصنيش نقول سميتهوم باش ما نخسرهومش معاهم حيك الى عرفوهم خوتي المغاربة غادي يدورو فيهم ."