أنا كمال ولد عبدة

جَمْعو لكْلابْ
ولْهَرْماكه
ومعهم لْهاكا
كالو باراكا
منْ هاذْ الْحَرَكَة
عْطيوْ للناس
ميسي وكاكا
كالت الْحُكُوكه
خليونا يا ناس
غ مع شاكيرا
ضربْ لكم الشٌوكة
والصنهاجي
يضربْ لكم الدربوكة
ولي سخنْ عْلى بوه الراس
نعطيوه
(قرعة كوكا ) ..... !
***********
أشْ بْغينا بْ لْحَدْ
وغْواتو عَرَانا
حيْدو يماه
من الصيمانه
كالت الْحُكُوكه
بالنَاقص
منْ الشهرْ النَاقص
شهرْ الدْلو
كيشوفْ فْلو
وحْنا عدْنا
كلْشي حلْو
مسكينة الْحُكُوكه
ما عرفاش
الْوقتْ محْكوكه
وشْتات بْراير
كتحيدْ الضْراير
***********
ناري ناري
دمْ العماري
ساح ويدانْ
فْ كل مكانْ
يصرخْ ويكولْ
مهما كانْ
حقي وحق خوتي
فْ الحركة
بينْ المعركة
والميزان
سوا اليوم
سوا غدا
أنا كمال
ولد عبدة
دمي صافي
من أَسفي
أنا كمالْ
سيدْ الرجالاَ
ما يخلعوني كلابْ
ولا قتالاَ .....