هكذا تكلم بنكيران...

كونو ساذجين..
وتيقو بيا..
واخا التقه ما بقاتش
غير ديرو النيه..
وحيث الثقة ما بقاتش
طلق الراجل لولية...
والزواج إلى قلال
قل ليه:
»»فراسك البقية««
غير كونو ساذجين
وتيقو بيا..
وحتى إلى ما حاربت فساد
واللا ما قضيت على استبداد
نكون درت اللي عليا
نقدر نفشل
والإصلاح يتشل
لكن غير ديرو النية
وانتظرو حتى للنهاية..
منين تكمل الولاية..
وتم نذَّآكرو..
شهو تنجز.. وشنو تعطل.
والمقاصه نقصص جناوحها..
واخا تتفقرو..
والكريدي ضروري..
نفرح إلى ندبرو..
وإلى دبرتو
حيث فالخارج تيتيقو بيا..
واخا هما ماشي سذج.. وتيفكرو..
غير كونو ساذجين..
وديرو النيه
باتو وفيقو مع الحيه
وما تديرو مادار
اللي شاف الحنش.
وخاف من الحبل..
راها النيه افضل من العمل
غير تيقو بيا
ياك صَوَّتُو عليا
حيث تقتو فيا
كملو جميلكم..
الجميل لازم يكمل..
راه كلشي تيحاربني..
هذاك بحربه.. لا خر مقوس
ولها يساهم بسهمو
وكلها يساهم بسهمو
وأنا فمرمى النبل
هذاك تمساح..
هذاك عفريت..
لاخر نفريت..
وحتى المتنبي سلطو سيف شعرو عليا..
والحرب مازاله فالبديا
وكيف نعمل؟!
وأنا ما نعرف كلشي..
قلت نجرب ونتعلم.
مرة ننجح..
مرة نفشل..
مرة نصيب..
مرة نزل،..
وإلى ما جابش الله..
ما صعيبة غير البديا..
المهم جربت نحكم.
وهما.. ما خلاونيش نخدم..
هكا وزيركم للول خاطبكم..
هكا وزيكم تكلم..
بكلام شوافة ما تشوف..
ما تعرف شنو مخبي فالجوف:
»»ديرو النية»
وتيقو بيَّا»«