شوفو شنو قاللي راجلي واستافدوا ...ونصحووني

ايوا يا لالياتي في الليل كملنا الهدرا ومازال مصر على اني اللي خطات اذن عمرني نحلمو يجي لعندي قالي انت متتسمعيش الهدرا شحال من مرة تنقولك ركزي معايا فاش نكون نهدر معك وعقلي على شنو تنقول ورا انا الى نبهتك من حاجة ودرتيها متسناينيش نجي لعندك ولكن انا مفهمتش المسالة من هاد الناحية المهم ما علينا ايوا بقا يهدر يهدر وصل عند واحد العبارة هزتني بزااف
قاليا انت من النوع اللي تيركز على الراجل بزاف الى مثلا ولفتك شي عادة وجا شي نهار مدرتهاش كتبدلي وتقلقي وراه اذا مدرتش لك ديك الحاجة ماشي يعني مقللق من شي حاجة اوتنبعد عليك انما هادي حياة وبنادم عندو مشاغل اخرى تيدير النت يتفرج في التيفي يخرج ماشي لاازمني في الداخلة والشاذة نبوسك ونعنقك ونطبطب عليك والى مدرتش شي وقيتة هاد المسائل كوني طبيعية وخللي حياتك ماشية وانت سعيدة ومرتاحة ماشي تتبدلي
ومعرفتش واش انتما بحالي ولا غير انا حيتاش عندو الحق تنبغي نلاحظ اهتمامو في كل وقت مثلا الى غير كنتفرجو نبغيه يجلس حدايا الى يدير النيت تنبغيه يلتافت ليا الى خرجنا نبغيه يشوف فيا شي شوفة رومانسية يعني هاد الحركات بالنسبة ليا هما نكهات الحياة الزوجية الى مكانوش الزواج يكون عادي بحالي الى خوت صافي
قلت له راه النسا كلهم كيبغيوا هاد المسائل هوينقز قالي النصارى لا تيتلقاوا غير في الفراش قلت له هما كلشي شبعووه قبل الزواج وبعدو وعندهم عادي الى مكانش هاد الشي اضف الى ذلك هما تيخدمو ويخرجو وسافروا ومكيتعلقوش بالراجل بزاف
وانا الى لاحظتي عليا شي حاجة راني غير في الدار بين اربع حيوط وباقي حديثة عهد هنايا ومعنديش الدراري نتلها معهم دونك معذورة الى شتيني تنركز عليك وبغيت نحس باهتمامك كل لحظة
قلت له غنحاول نتبدل ونرجع وحدة اخرى قالي كفاش قلت له خلليها مفاجاة قالي متتخذي شي قرار حتى درسيه مزياان من كل الجوانب باش ميتقلب السحر على الساحر مفهمتش هاد الجملة الى شي وحدة فيكم فهماتها تفهمني
دابا البنات بغيتكم تقولوليا واش حتى انتما بحالي وكفاش نرجع وحدة اخرى ومنبقاش مركزة عليه نخليه هو اللي يبقا يركز عليا
كفاش نخلليه يتفاجا فيا واني ماشي بحاجتو باش نكون سعيدة
كفاش نكون سعيدة ومرتاحة وعادية واخا مهتمش بيا كل وقت
بغيتكم تنصحوني بغيت نتبدل بعد هاد الهدرا واخا انا رومانسية تنحسو باغي يقتل روماسيتي