بنشماش: كنديرو المعارضة التلفزيونية كل ثلاثاء

حكيم وليتي الخليفة ديال ولعلو فالبرلمان
 لاحظتيها، خوك محيح كل ثلاثا، وعاد راه فريق كبير بيني وبين ولعلو فياماتو، هو كان البرلمان عامر بالشخوشا ديك الساعة، أما دابا راك شايف شكون اللي كاين وعاد نزيك
 زيدني أخويا
 أنا راه محيح غير فمجلس المستشارين ماشي النواب، وهاداك المجلس عندنا باش تدير فيه شوية ديال الحياة ما هي ومالونها، زعما راني خصني شي وسام ولا شي حاجة من هاد القبيل.
 خوذ آخويا، ما تحشمش، راه بحال داركم.
 بالتي شوية وغاديين يجيو الأوسمة وغادي يجي كلشي بالصبر كيتكال بودنجال
 كول ليا علاش ما طلعتيش نيشان لمجلس النواب تحيح فيه بلا داك المستشارين والمجلس ديالهم الناعس؟
 حيت ماكانش ممكن نربح بالتصويت الشعبي، الناس ماكيعرفونيش، وماغديينش يصوتو عليا، ثانيا أنا مكلف بمهمة نرد الحياة لهاداك المجلس اللي نتا حاكرو
 أنا والله ما كنحكر شي واحد غير خليني فالتيقار.
 حسيت من خلال هضرتك أننا مامعمرينش ليك العينين فداك المجلس، إيوا آسيدي جمع راسك، حنا راه عارفين آش كنديرو.
 ممتاز تقدر تشرح ليا المشكل اللي عندك معا خالد الناصري
 ماكيعجبنيش الإعلام فالعهد ديالو.
 وشنو الإعلام اللي كيعجبك العهد ديالو
 مازال ماجاش الإعلام ديال العهد ديالنا حنا. عاد كنصاوبوه غير بالشوية، خص غير المغاربة يصبرو علينا وراه ماغادي يكون غير الخير
 هاحنا صابرين، غير ماتخافش.