آنا ما غاديش نعيى واخا دايرين بيا غير الشفارة - حسن المرابط : ألووو -السيد العامل : ألو - حسن المرابط : السي لفتيت هذا -السيد العامل : ألو شكون معايا ... - حسن المرابط : إيوا باراكا من ألو ما ثدوهشاض ني آ صاحبي؟ -السيد العامل : ألو شكون نتا اللي مصدعني هدر دغيا - حسن المرابط : غير بشوية معاك حسن المرابط من جريدة الريفي..ميش ثادجيد آ السيد العامل : المحترم؟ -السيد العامل : آه .. أهلا شكون عطالك النمرة ديالي آ سي؟ - حسن المرابط : و علاش ياك ما حتى هي سر من أسرار الدولة .. هادا واحد صاحبك عطاهالي و قال ليا إيلا شكمتي عليا غادي نخوي لبلادقبل ما يلقاني لفتيت.. -السيد العامل : هههههه هانية يالاه آرى نشوفو آش كاين؟ - حسن المرابط : لا والو غير بغيت ندير معاك واحد الحوار صغير أو صافي؟ -السيد العامل : إيوا يالاه طلق راسك راه عندي ما يدار.. - حسن المرابط : حاور خافي واها..غير بشوية ياك ما مخرج شي تراكسات هاد لعشية؟ -السيد العامل : آش غادي نقول ليك كاين شي ناس باسلين بحالك ما ينفع معاهم غير التراكس - حسن المرابط : آ خويا غير هني راسك ما عندي لا دار لا دوار.. المهم قول لي علاش كا تبان مافيا بزاف فالتصاور -السيد العامل : لا غير تا نكون مقطوع بالكارو في الإجتماعات أو صافي - حسن المرابط : هاد الأيام ما كاين غير الله يعطيك الصحة فالناظور ما كاين غير هدم و بني زعما الناظور غا يتبدل زعما؟ -السيد العامل : و علاش لا.. مالو هاد الناظور كاين في المريخ..شوية ديال الفلوس و شوية ديال الخدمة و شوية ديال الناس بحالك يكونوقلال و الناظور يولي مزيان... - حسن المرابط : الله أكبر قالو لي عليك معصب أو كتحشي الهضرة بزاف.. قالو لي حتى الباشا تا يولي غير يترعد قدامك هو و اللي معاه؟ -السيد العامل : خلي عليك هاداك خينا راه شفتك لصقتيه فداك الجورنال ديالك.. راه مسكين ما قاد على تقل ما شفتيهش ما كاينزلش منالكاتكات من نهار شريناها ليه... - حسن المرابط : و لكن دوك الناس كا يعطيوك وجه و غير يخرجو هضرة أخرى؟ -السيد العامل : عارف مالك آش كا يصحاب ليك طايح من السطح هادوك الناس عارف كرشهم آش فيها - حسن المرابط : و مالك ساكت على القهاوي اللي سادين الطرقان و التسمسير اللي داير في المقاطعات و داك الشي ديال آرى من تما باشنكادو هاد المشكل -السيد العامل : آ تكايس آ سي داك شي فالمغرب قبل مني و منك قالو لك علي طارزان .. المهم كاين شي حوايج الله غالب عليهم أو صافي واللي شاف شي بلية يقول الله يستر أو صافي - حسن المرابط : زعما ما كاين ما يتقاد أو صافي؟ -السيد العامل : لا يكلف الله نفسا إلا وسعها هاد الشي ما عطى الله - حسن المرابط : واخا أنت بنادم مرفح بدارك أو طوموبيلتك و بولادك ف طنجة آش داك لهاد الحرفة ديال تعاميليت؟ -السيد العامل : الله ياخد الحق ف مزيان بلفقيه كنت هاني والله عاود بلاصتي مازالا من غدا نشد مدير عام فأكبر شركة و نربح 20 مليون فالشهر و انا حاط رجل على رجل أو خدام غير بالأنترنيت.. - حسن المرابط : و لكن السلطة بنينة؟ -السيد العامل : واه عندك الحق و لكن فالناظور عطات للعامل إيلا كان شفار.. و انا ولد البلاد و قاري ماشي بحال شي ناس كانو هنا قبلمني.. المهم الخبار فراسك - حسن المرابط : كا يقولو عليك ما كتهز الخنشة لحد أو ما كتستقبلش البرلمانيين ..زعما عندك شي ظهر صحيح آه؟ -السيد العامل : الله يعز بلفقيه.. ما عندي علاش نهزها لشي واحد انا زاوكوني باش نجي للناظور باش نهدم و نبني و نكاد هادالمدينة..يعني مكلف بمهمة.. نكملها و نزيد فحالي... - حسن المرابط : و هاد التأهيل الحضري مالو غادي يعرج بحال ايلا كيمشي على البيض؟ -السيد العامل : وا قول هاد المدينة مالها كلها كيجبد الله يحضر السلامة ما لقيتها زوينة مع حد لا بلدية و لا برلمانيين يعمرو العينين و لاحتى من شي شفارة دايرين بيا..بنادم غادي و هوما كيطيحوني الارض تقول لاعبين معايا المصارعة و لكن و الله يا انا يا همابزز عليهم كاملين غادي نكمل هاد المشروع..وانا ما غاديش نعيى.. - حسن المرابط : و عنداك يجيبوك فالأرض أصلا قالو لي مرضوك بالقلب و خرجو ليك الحبوب فوجهك حتى درتي اللحية بسببهم؟ -السيد العامل : يا لطيف وا مالك انت حاضيني غير آنا.. المهم خرجو فيا القلب خرجو فيا الحبوب خرجو فيا العجب..يا انا يا هما و اللهحتى نكمل المشروع...أنا مخلص باش نخدم و ولادي بعاد فطنجة و ما عندي ما يدار السبت و الاحد و الله حتى نعصرهم حتىنخرج منهم الزيت باش يعرفو البوليتيكنيك آش كا تسوى... - حسن المرابط : بصح كانوا يسميوك فطنجة الهدام؟ -السيد العامل : إيوا هاديك يالله شي 2000 دار أو صافي اللي هدمتها تما... - حسن المرابط : إيوا 2000 جاتك قليلة؟ -السيد العامل : باقي تشوف عاد الناظور و الله تا نفتح ليه الطرقان واخا نكملها بالبوكس مع ديك المافيا ديال العقار - حسن المرابط : يا ودي حنا بغينا غير الخير لهاد المدينة و لكن كلما جانا شي عامل كيقول هاد الهضرة و فاش كيمشي عاد كا يبانو فضايحواللي خلا الكريدي عند الفارماسيان و اللي خدا الأرض فالمدينةالجديدة.. زعما أنت حسن منهم؟ -السيد العامل : عندك الحق هادا هو المشكل .. الله يسمح للي سبقو و لكن هاد المرة القضية فيها الملك ... يا إما نكادو هاد المدينة اليوم يا إماعمرها تتكاد..و باش ما نبقاوش فالهدرة من هنا واحد 3 سنين يبان كلشي و العربون من الصيف الجاي - حسن المرابط : إيوا نقولو يا ربي و خلاص -السيد العامل : دابا تشوف و يشوفو الناس... آجي نتا ياك ما سجلتي هاد الهضرة.. عندك تكتب شي حاجة من هاد شي.. أنا راه عامل وخاص الهضرة ديالي تكون بالقياس - حسن المرابط : آلا السيد العامل : هاد شي بيناتنا..ههههه... -السيد العامل : إيوا يالاه تلاح لي من تليفوني راه عندي ما نهدم هاد لعشية... - حسن المرابط : هههه أوكي بلا ما تدفع .. وا تهلا معاك.. الحوار من محض الخيال؟؟ تأليف حسن المرابط... عن الريفي عدد 1 مارس
