مول الطونوبيلة لي قدمو الملك مع شريكو الوزير بنسعيد ناشطين.. واش ماشي تضارب المصالح تعرض على شريكك فالشركة لنشاط وزارتك وكادير لو اشهارا ونتا لي مولتي المشروع ديال الطونوبيل؟

نسيم بلخياط مول الطونوبيلة "نيو موطورز" لي بان فالواجهة وتصور مع سيدنا وخدا الوسام على الطونومبيل لي نتجات شركتو، حضر بجانب شريكو فالشركة وزير الثقافة المهدي بنسعيد، فمهرجان كتنظمو وزارة شريكو بنسعيد.
الحدث لي وقع اثار انتباه الحاضرين، واش بنسعيد عرض على شريكو لهاد المهرجان وبغا يدير ليه اشهار على ظهر المال العام ولا غير صدفة تلاقا معه وسلم عليه.
الفيديو لي صورات "كود" بينات بلي بلخياط جاي كيسلم ويضحك مع شريكو بنسعيد فالشركة وكان حداهم المستشار الملكي اندري ازولاي.
دبا ماشي اشهار هذا لهاد الشركة لي طلعات دغيا للسما، ودغيا تشهرات، فزمن قياسي، عكس شركات كثيرة حاولت تستثمر حتا هي فالمغرب وفشلات لاسباب. واش بنسعيد كيستعمل قوتو الوزارية باش يروجو لشركتو ؟ ماشي تضارب مصالح مفروش؟.
رياض مزور، وزير الصناعة والتجارة، كان قال فلقاء بلجنة القطاعات الإنتاجية بمجلس النواب، قبل أشهر، : "أفتخر بشباب مغاربة ولي مستثمر منهم أصبح وزير وحطو داكشي لي عندهم باش يديرو صناعة سيارات مغربية".
وفي أول تعليق له، حول ما أثير حول اتفاقية شراكة بين شركة الوزير بنسعيد مع وزارة الصناعة التجارة والصناعة، قال بأن "الاتفاقية مع الشركة كانت سنة 2017، الوزير حط فلوسو فهاد المشروع".
الوزير حط فلوسو منين جابهم، وكيفاش، وامتى كان رجل اعمال. مستثمر غامض كيف وصفاتو "لوديسك".
وكان موقع ''لوديسك''،كشف أن الوزير المهدي بنسعيد، المنتمي لحزب الأصالة والمعاصرة، يوجد ضمن المستثمرين الرئيسيين في شركة للسيارات يطلق عليها ''نيو موتورز'' توجد فوق تراب جماعة عين العودة ضواحي العاصمة الرباط، مشيرا إلى أن المصنع حصل على ترخيص من رئيس المجلس البلدي سنة 2020.
وأفاد ذات المصدر، أن الوزير بنسعيد يملك أسهما في شركة السيارات الجديدة بنسية مائوية تصل ل50 في المائة، عبر شركته السرية للغاية Business of" "Ili، التي أصبحت تحت اسم "Ingm"، نسبة إلى الحروف الأولى لكل من اسمه واسم ابنيه وزوجته، والتي يمتلك فيها أسهما بقيمة 51 في المائة.