المتطرف الصفريوي اللي كان فالاصلاح والتجديد واللي كيعرف وزراء من البي جي دي قسمو ليه ظهرو: ماكرون سد ليه جمعيتو ومازال فالتحقيقات بسباب قطع رأس استاذ التاريخ

عبد الحكيم الصفريوي اللي كان من قيادة "الاصلاح والتجديد" قبل ما يمشي لفرانسا ويتزوج وياخد الجنسية ويولي متطرف جابها فراسو. الرئيس الفرنسي ايمانويل ماكرون قال قبل قليل انه تقرر حل الكوليكتيف الشيخ ياسين =ديال فلسطين= وللدفاع عن فلسطين٬ اللي كان دايرها هاد الصفريوي٬ قد تم حلها.
متاعب هاد المتطرف كثيرة. دابا مازال رهن التحقيق بسباب علاقتو بقطع ارهابي داعشي شيشاني لاستاذ التاريخ بثانوية فرنسية.
هاد المتطرف تعلم بزافت التطرف ديالو فالمغرب وكان صاحب كاع قيادات الاصلاح والتوحيد الحالية وعدد من وزراء هاد الحكومة بما فيها رئيسها. دابا ماشي غير امكانية يشدوه فالحبس اللي كاينة٬ يمكن يحيدو ليه الجنسية. كانت محاولة ف2010 وفشلات. هاد المرة تقدر تكون ثابتة. غير واش المغرب غادي يقبل كمارة بحال هادا؟ دابا نشوفو