خاصو يبدل المانادجير. كيفاش تحمي الاسود من امثال مريم الابيض. علاش بونو طيح النيفو لهاد الدرجة واش دخل برلماني لهاد الشي ولا شي معرفة فالقصر

كاين استغلال بشع لصورة لعابة الاسود. البارح نجم المنتخب الحارس المحبوب ياسين بونو كان ضحية. هاد النجم لكبير طاح طيحة كبيرة ومشى حضر لسهرة شي وحدة اسمها مريم الابيض. هادي معروفة عند شي ناس فكازا ومشات لدبي وبيروت وقالت راها كيدير شي مجهورات. هاد الشي غير واجهة وصافي.
المهم عندنا الحارس المغربي. مسؤولية هاد العملية اللي طاح فيها واستغلال صورتو كيتحملها المانادجير ديالو. بونو خاصو يبدلو. باش تعرفو علاش هاد الحارس لكبير ما قدرش يمشي لنادي كبير وبثمن كبير هو هاد المانادجر.
بونو جا حقاش تايق فهاد المانادجير. كلشي مخلط. دخل فيها برلماني عزيز عليه التصاور وعندو علاقة بهاد مريم الابيض اللي مسمية راسها ميمي لوبلان. دخلو حتى شي حد فالقصر كتقول هاد ميمي باللي كتعرفو وباللي امو اميرة ووو. هاد الادعاء كيعطي نتيجة بحال اللي وقعات لبونو.
خاص حماية لصورة اللعابة. خاص حماية للاسود. يمشيو للتبوريدة كيف دارو البارج معقولة. تراث مغربي متأصل ولكن يولي مانادجير يجيب لعابة ديالو لهاد النوعية من بنادم راه كيندر باللي كيحفر للعاب باش يطيح النيفو ديالو. يجي عند هاد العينة وزايداها كدافع على سعد لمجرد اللي تحكم عليه بالاغتصاب ونايضة كدافع عليه. حشومة لصورة الاسود
كلشي كان مفكر فيه فهاد العملية. الضحية هو بونو. كان مانادجير. كانت وكالة كتشجع هاد النوعية من المغربيات. بغات تقدمهم كمغربيات ناجحات. كتشجع نماذج سيئة جدا. كان برلماني كيدافع عليها. النتيجة. ان بونو دار النية وتقولب.