واش فجر بصاح كان مخدم تلفونو فالتداريب البارح. مصدر جامعي ل”كود”: ها قصة هاديك الصورة وراه اللعابة كيديروها

اثارت صورة وفيديو يظهر فيها لاعب المنتخب البارح الاحد غادي يبدا التداريب وشاد تلفونو جدل كبير شي يناقش التسيب شي كيتكلم على اللا احترافية واخا هو محتارف شي شي شي. الصورة مستفزة وجات من لعابة دايرين مونديال مزيان واخا خسرو جوج ماتشات ومعاهم مدرب صارم بزاف بزاف.
“كود” سولات الجامعة على قصة هاد الصورة اللي كانت باش تفتح للصحافة تحضر ل15 دقيقة ديال بداية التدريب البارح واللي ما كانش فملعب “كالينينكراد” بسباب الشتا.
مصدر “كود” قال باللي هاد الشي استعمل باش بداو اللعابة يسخنو وانو غادي كيديرو الموسيقى فالدقايق الاولى باش كيكونو يجريو. ثم جا توضيح اكثر من الادارة التقنية والمدرب فيه ان المدرب رونار هو اللي عطى المواقفة ديالو باش يديرو الموسيقى فالبدية وبللي ما كاينش شي بوليميك ولا شي صداع وباللي كلشي كيحتارم المنتخب والقواعد اللي محددها المدرب وما كاين لا تسيب ولا هم يحزنون
صحاب القناة القطرية بلا ما يعرفو حتى حاجة وبغاو يبانو كيف ديما ومعاهم مغاربة كاريين حناكهم هاجمو اللعاب واعتابرو هاد الشي غير احترافي وكيعطي صورة سلبية عن معسكر المنتخب ويمثل سابقة في تاريخ تداريب الفرق والمنتخبات كاع.