سوبول اللي جا منو بيلانتي تتويج ليفار بالبطولة وحرمان الوداد من اللقب ودع طنجة وغايرجع للرجاء

ودع الرجاوي محمد سبول لاعب اتحاد طنجة مكونات الفريق الطنجاوي، حيث غيرجع للفريق ديالو الرجاء الرياضي بعدما سالا الموسم وقدر يساهم فبقاء فريق عروس الشمال بالقسم الأول.
وتفاعل محمد سبول مع الرحيل ديالو على اتحاد طنجة والعودة إلى فريقو الأم الرجاء الرياضي، ونشر رسالة على انستغرام، ودع فيها مكونات الفريق الطنجاوي من مدرب ولاعبين وجماهير ورئيس، وشكرهم على كل ما قدموهم له خلال العام اللي دوزو فطنجة.
للاشارة فمحمد سوبول داير البوز على مواقع التواصل الاجتماعي من البارح، حيث هو اللي جا منو الخطأ اللي سفر على قبلو حكم الماتش بين اتحاد طنجة والجيش الملكي عن بيلانتي للاخير فاخر اللحظات ديال المواجهة، وهو البيلانتي اللي ماركاه رضا سليم وعطى الرباح 3 مقابل 2 ليفار باش خذاو البطولة، حيث كانت غتاخذها الوداد لو ظل الفريق العسكري معادل 2 لجوج.