كيدير عمرة في بلاصتك ب4000 دولار.. يوتوبر مصري دار البوز

أمير منير، صانع المحتوى المصري متبعينو بزاف ديال الناس، دار روينة فسوشل ميديا ملي نشر فيديو كيعلن فيه على تطبيق جديد كيوفر أشخاص كيديرو العمرةفي بلاصة الناس العاجزين أو الناس لي ماتو مقابل 4000 دولار.
وهادشي دار انتقادات كثيرة، والناس بداو كيقولو أنه دار هاد العمرة "البدل" غير باش يجمع الفلوس وينصب عليهم، والمدير العام ديال الأروقة الأزهرية، عبد المنعم فؤاد، قال فتصريحات صحفية، أن هادشي لي دار هاد السيد راه غير بيزنس وتجارة بالدين وبأحلام الناس.
وأمير منير دار فيديو كيوضح فيه للناس النية ديالو لي كانت حسنة، حيت كان باغي غير يعاون الناس وهاد التطبيق الإلكتروني ماشي ديالو وهو غير ورا للناس هاد التطبيق باش يعطيهم فكرة.
بتكلفة 4000 #جنيه وكود خصم من داعية لمتابعيه
تطبيق #عمرة_البدل يثير الجدل على مواقع التواصل الاجتماعي في #مصر #الشرق_مصر #الشرق_للأخبار pic.twitter.com/n6meBUXT1w
— الشرق للأخبار – مصر (@AsharqNewsEGY) September 4, 2023