مغاربة فرنسا كيجمعو لفلوس والحوايج فماتش المغرب وبوركينافاسو لضحايا زلزال الحوز

منظمين الجماهير المغربية فتيران لانس ففرنسا، حملة لجمع التبراعات فالتيران اللي بادي فيه ماتش المنتخب الوطني المغربي مع بوركينافاسو اليوم الثلاثاء فالعشية.
ودايرين مغاربة فرنسا، حملة لجمع التبراعات لفائدة ضحايا زلزال الحوز، وحطو صناديق فأبواب التيران واللي جا من الحماهير المغربية كيحط الباي ديالو، وسط أجواء حماسية بهذا السلوك التضامني تجاه ولاد بلادهم اللي طاحو ضحايا الفاجعة.
الحملة اللي دايرين مغاربة فرنسا حدا التيران، كيجمعو فيها أيضا الحوايج والاساسيات اللي يقدرو يحتاجوها المتضررين من زلزال الفاجعة، وكاين اقبال من ولاد الجالية المغربية ففرنسا على التبرع وكل واحد كيجيب اللي قدر عليه.