اللبؤات بداو كيوجدو لاقصائيات أولمبياد باريس.. المنتخب النسوية دخل للمعسكر يبريباري لزامبيا

بدا المنتخب الوطني المغربي النسوي المعسكر ديالو الإعدادي لمواجهة منتخب زامبيا فجوج ماتشات وديين، الجمعة والثلاثاء الجايين، استعدادا للاستحقاقات المقبلة وفمقدمتها الإقصائيات المؤهلة إلى اولمبياد باريس 2024.
وتحدثت غزلان الشباك الكابيتان ديال المنتخب المغربي فتصريح للموقع الرسمي د الجامعة الملكية المغربية لكرة القدم على معسكر ليكيب ناسيونال، وقالت: "هذا أول تجمع لنا من بعد كوب ديموند كنوجدو فيه للجوج ماتشات الوديين ضد زامبيا، وهو منتخب كبير وكان حتى مشارك فكأس العالم وعطى مستوى مشرف للكرة الإفريقية".
وأكدت غزال الشباك: "هذا الماتشات غنحاولو نبريباريو بهم للاقصائيات المؤهلة للألعاب الأولمبية وغيعاونونا هاد ليماتش باش نشوفو المستوى ديالنا، وكنتمناو نكونو واجدين ونعطيو نيفو مزيان".
وغيواجه المنتخب الوطني المغربي للسيدات منتخب ناميبيا فالإقصائيات المؤهلة إلى دورة الألعاب الأولمبية باريس 2024، وهذا الشي يوم 23 أكتوبر.