الرجاء شكاو ببرشيد للجنة الأخلاقيات

تشكاو للجنة الاخلاقيات بالجامعة الملكية المغربية لكرة القدم، ضد مسؤولين بفريق يوسفية برشيد، حيث تهمو الحكم النحيح اللي لعب الماتش ديال الفريق الحريزي مع شباب المحمدية فالدور 3 من البطولة بأنه عطى بيلانتي للرجاء فكاس العرش الموسم الماضي باش تأهلو.
ووضع المكتب المديري للرجاء الرياضي شكاية عند لجنة الأخلاقيات ضد مسؤولي يوسفية برشيد، بعدما بانو فواحد الفيديو منشور فمواقع التواصل الاجتماعي وهما كيوجهو اتهامات للحكم النحيح بعدما خسرو مع شباب المحمدية، وكيقولو: "ساكنا نهار الماتش ديال الرجاء عطاهم بيلانتي.. كل عام كيسوكنا هذاك العام عطى للرجاء بيلانتي ما كاينش".
وكيرجع سلوك تامسؤولين ديال يوسفية برشيد فماتش فريقهم ضد شباب المحمدية، الادهان للواقعة ديال الرئيس السابق للنادي ملي بدا كيغوت فماتش الفريق على ضد الجيش الملكي هذاك الوقت على اللاعب المنافس عبد الاله عميمي وكيقوله "ربحتيني بأربعة.. انا عطيتك ماتش" فإشارة إلى انه عطاه شي ماتش فاش كان كيلعب مع الكوكب المراكشي، وراه توقف البيضي بسبب هذه الواقعة لمدة 4 سنوات عن مزاولة أي نشاط ديال كرة القدم.