ايال نائب السفير الإسرائيلي اللي سالات المهمة ديالو بالمغرب فحوار مع "كود": حبيت هاد البلاد اللي خلاتني نولي مغربي وغانكون سفير المغرب فاسرائيل والملك محمد السادس زوين بزاف وها المدينة لي سرقات قلبي

قال ايال دافيد، نائب السفير الاسرائيلي بالرباط، ، في حوار مع "كود" :"غانكون واحد سفراء المغرب داخل اسرائيل، البلد لي خلاني فعامين نولي مغربي ونحب هاد البلاد والملك محمد السادس زوين وحامل مشعل السلام".
وأضاف ايال دافيد ل"كود" :"كنت غانسافر ولكن فاش جا الزلزال مقدرتش واختارت نبقا تزامنا مع الحداد اللي علنات عليها المملكة بسبب الزلزال المدمر"، موضحا :"بلي اسرائيل كانت أول المتضامنين وبزاف ديال الاسرائيليين سولوني واش نقدرو نجيو للمغرب فهاد الوضع فكان جوابي اه اجيو حيثاش هاد البلاد ساحرة بجمال مدنها وملكها الزوين وثقافتها والتسامح لي فيها".
وتابع :"بغيت نقول للمغاربة اللي غيقراو الحوار ديالي مع "كود" يجيو لإسرائيل غنرحبو بيكم كي رحبتو بينا بأذرع مفتوحة بغيت نقول حنا خوت ماشي ولاد العم لان بزاف ديال الإسرائيلين من أصول مغربية.
وتحدث المسؤول الاسرائيلي عند أحد سفراء السلام بالرباط، صديقه "هشام.." الذي لعب دورا مهما في تعزيز شبكة العلاقات بين البلدين وساهم في تقوية الروابط الانسانية والأخوية بين الشعبين.
إليكم نص الحوار كاملا:
1/ بداية.. ساليتي المهمة الدبلوماسية ديالك فالمغرب، وعشتي لحظات ديال الزلزل ممكن تحكي كيفاش عشتيها؟
في أعقاب الزلزال الأخير الذي هز المغرب، أفكارنا وصلواتنا مع جلالة الملك والشعب المغربي. لقد قدمت إسرائيل، كصديق ثابت، المساعدة، ومنظمات المجتمع المدني الإسرائيلية موجودة على الأرض، وتسليط الضوء على العلاقات القوية "بين الناس".
منذ يوم السبت الماضي، تلقيت العديد من المكالمات الهاتفية من إسرائيليين يستفسرون عما إذا كان هذا هو الوقت المناسب لزيارة المملكة. جوابي على كل هذه الأسئلة واضح ومباشر: نعم، من الضروري أن نأتي وندعم المغرب، خاصة خلال هذه الأيام الصعبة. هذه المملكة الشاسعة تعج بالعجائب من الشمال إلى الجنوب، ومن الشرق إلى الغرب. وحتى مراكش، بثقافتها وسحرها النابضين بالحياة، تنتعش وترحب بزوارها بأذرع مفتوحة. على مدى العامين الماضيين، كان لي شرف اكتشاف جمال المغرب، والتعمق في تاريخه الغني، واستكشاف مجتمعاته اليهودية القديمة. أنا أشجع الجميع على المجيء والحصول على نفس الشيء. أنا أشجع الجميع على الحضور والحصول على نفس التجربة.
وعلى الصعيد الشخصي، شهد يوم الأربعاء الماضي نهاية مهمتي الدبلوماسية التي دامت عامين في المغرب ونهاية مهمتي التي دامت خمس سنوات في أفريقيا. على الرغم من خططي الأولية للعودة إلى إسرائيل، فقد اخترت تمديد إقامتي، نظرًا لفترة الحداد الأخيرة في المملكة وجهود التعافي المستمرة. سأغادر المغرب وأنهي دوري كنائب لرئيس بعثة إسرائيل، لكنني سأصبح أحد "سفراء" المغرب الكثيرين في إسرائيل. المملكة وشعبها سيكون لهم دائمًا مكان خاص في قلبي.
2/ دوزتي عامين..شنو تقييمك لهاد التجربة ديال التطبيع وآفاقها؟
مشاعري مختلطة حيث المغرب بلادي الثانية، انا مقلق حيث غنخلي صحابي وعائلتي فالمغرب وفرحان فنفس الوقت حيث تعززات العلاقات بين المغرب واسرائيل وفرحان حيث درنا بزاف ديال الحوايج وهادي غير البداية والعلاقات غتزيد تقوى مع المجية ديال رئيس اسرائيل ولانفيطاسيون ديال الملك محمد السادس.
من مور اعتراف اسرائيل بمغربية الصحراء، كنظن ان مستقبل العلاقات غيكون مشرق. انا ماشي من أصول مغربية ولكن عامين فالمغرب خلاتني نولي مغربي .
جيت فالاول مع السفير على قبل مهمة ديبلوماسية ديال إعادة فتح البعثة الدبلوماسية, كيفما كتعرف كانت عندنا علاقات رسمية فالتسعينات وللأسف تم إغلاق المكتب في بداية عام 2000 ومن بعد عشرين سنة رجعنا.
كان خصنا نأسسو مرة أخرى علاقات رسمية واللي كانت ديما تحدب بالنسبة لينا ولكن المغاربة رحبو بينا بأذرع مفتوحة وسهلو المهمة ديالنا فالمغرب .
العلاقات بين المغرب واسرائيل ماشي غير بين حكومة وحكومة ولكنها حتى بين شعب وشعب. وكاع الناس فالمغرب عاونونا سواء الحكومة ولا الناس العاديين باش نأسسو المكتب وغنديرو سفارة كبيرة واللي بدينا فيها وكنتمنى العام الجاي تكون واجدة.
غنمشي من المغرب دبا ولكن غنعاود نرجع، كنشوف بزاف ديال الاسرائيليين كيجيو للمغرب وكنتمنى حتى المغاربة يمشيو لإسرائيل ومكرهناش حتى ناس من الحكومة المغربية دير زيارات رسمية لإسرائيل .
3/ شكون الناس لي أثرو فيك وخلاوك تحب المغرب؟
الى جيت نهدر على الناس اللي أثرو فيا غنهدر على المستشار الملكي أندري ازولاي اللي كيساهم فالسلام، وانا ممتن للدور ديال ملك المغرب فالحفاظ على السلام وتعزيزه فالمنطقة لان الملك هو رئيس لجنة القدس
وممتن لدور المستشار ديالو ازولاي، الأنشطة ديالو كتبين ان التسامح والتعايش بين المسلمين واليهود كاين.
زرت بزاف ديال البلايص فالمغرب لقيت التاريخ والتراث اليهودي فحال بيت الذاكرة وانا فرحان بهادشي، اللي كيبين كفاش ممكن تكون العلاقات بين اليهود والمسلمين واللي نقدرو نتعلمو منها بزاف باش نعيشو مع خوتنا فإسرائيل.
4/ شنو المدينة فالمغرب لي سرقات قلبك؟
الصويرة هي افضل مدينة عندي وكنشوف أنشطة دارها ازولاي فحال الفيستيفالات اللي جاب فيهم فنانين اسرائيليين ومختلف البلدان باش يحتلفو بالتعايش فالمغرب .
انا فرحان باش نقولك هاد عامين كانت عامرة خدمة من نهار جيت المغرب حيث العلاقات مع المغرب كانت دافئة باش نرجعو ونعاودو نأسسو علاقات مع المغرب لان بزاف ديال الاسرائيلين من أصول مغربية
فالوقيتة اللي جينا للمغرب كانو زيارات مهمة بزاف اكثر من 15 وزير جا للمغرب وزير الدفاع وزير النقل ...
يحصل ليا الشرف حيث عاونت وكنت جزء من هاد اللحظة التاريخية ديال تطوير وتعزيز العلاقات مع المغرب
وهادشي اللي درنا فهاد المدة بزاف ديال الانجازات اللي كانت غديرهم قنصلية اخرى فا 5 سنين.
5/ واش راضي بمستوى العلاقة بين الرباط وتل ابيب؟
استمتعنا بالخدمة فالمغرب وحنا راضيين حيث قدرنا نسهلو تطبيع العلاقات بين المغرب واسرائيل وبين الشعوب، سيفطنا بزاف ديال الفنانين اسرائيلين لمهرجانات فالمغرب وسهلنا على الشركات الاسرائيلية تدخل للسوق المغربية والعكس صحيح باش يكتشفو الفرص حيث هادي براسها فرصة باش نتعاونو ونخدمو مجموعين فبزاف ديال المجالات فحال الفلاحة الاقتصاد والثقافة ...
عندنا نفس التحديات ونقدرو نخدمو مجموعين نكثفو الجهود ونستفدو من التجارب ديال بعضياتنا.
فرحان حيث الرئيس ديالنا اعترف بمغربية الصحراء وهادشي كيبين اننا صحاب زوينين وحقيقين وقريب يجي للمغرب حيث عيط عليه الملك وكنظن انه غيجي قريبا وكنقول ان هادي غير البداية وصافي.
5/ علاقة بجوابك، امتى غايكون افتتاح قنصلية اسرائيلية فالداخلة ؟
على القنصلية منقدرش نجاوب ، كنتمنى تكون ولكن هاد الموضوع ماشي الاختصاص ديالي ، كنتمنى نمشي نزور الداخلة والعيون.
6/دوزتي لحظات وعايشتي احداث كثيرة..تقدر تعاود لينا شنو أبرزها مأثر فيك؟
كاع اللحظات اللي دوزت فالمغرب مكتنساش اللي كنت عارف هو اني غادي لبلد مسلم وفقط ولكن من بعد خديت انطباع ايجابي على المغرب وغنبقا ديما نتفكر الدفء ديال المغاربة.
البحث ديالي كان على اليهود فشمال افريقيا بالضبط في ليبيا وكان فيه جزء على اليهود فالمغاربة وشفت بعيني التاريخ والحضارة اليهودية وهادشي قاس قلبي هادشي مغنخليهش ليا وغنشاركو مع الناس فمواقع التواصل الاجتماعي.
7/ أكدتي بزاف على دور الملك فاتفاقية السلام..شنو انطباعك حول الملك محمد السادس؟
اكتشفت الملك ديالكم الزوين والتسامح للي فبلادكم من الشمال الى الجنوب ومن الشرق للغرب، بغيت نشكر كاع المغاربة حيث رحبو بيا.
الوقت طار بالزربة وكنقول مرة أخرى أن هادي غير البداية والمستقبل افضل وغيكون تعاون بين اسرائيل والمغرب فبزف ديال المجالات .
بغيت نقول للمغاربة اللي غيقراو التصريح ديالي يجيو لإسرائيل غنرحبو بيكم كي رحبتو بينا بأذرع مفتوحة
بغيت نقول حنا خوت ماشي ولاد العم لان بزاف ديال الإسرائيلين من أصول مغربية .
8/ في المغرب..هناك أصدقاء لك لعبوا دورا مهما، ممكن تعطينا واحد من هاد سفراء السلام؟
طبعا، ممثل الاتحاد الفيدرالي لليهود المغاربة، واحد من افضل الاصدقاء اللي عند اسرائيل فالمغرب ، افضل لقاء العشية اللي ديما كيعرض على وزراء وبغيت نشكرو على هادشي.
الجمال ديال علاقتنا هو اشخاص فحال ممثل الاتحاد الفيدرالي لليهود المغاربة، اللي كيحلو ديورهم وقلوبهم وذراعهم لينا وهوما سفراء السفر وكيخدمو في صما ،هادشي كيقيس القلب ديالي وديال اي اسرائيلي كنشكر هاد الناس لي عاونونا واي صديق لإسرائيل فالمغرب.