عادل رمزي: ضروري ندور عناصر الوداد باش ملي نوقف على اللاعبين نلقاهم.. إغلاق دونور ما غيأثرش علينا والحتيمي محتاج فحوصات

أكد عادل رمزي مدرب الوداد الرياضي، أنه ضروري يبقى يدور اللاعبين مع الحفاظ على لاباز باش الفريق يقدر ينافس على جميع الواجهات، وأن إغلاق دونور ما غيأثرش على الواك عكس الجمهور إذا غاب، حيث هو السند الحقيق ديالو، وأن منتصر الحتيمي صعيب يلعب الماتش الجاي ضد الزمامرة بسبب الإصابة.
وتحدث عادل رمزي مدرب الوداد الرياضي بعد فوز الفريق البارح على هافيا كوناكري الغيني بثلاثة لزيرو فعصبة أبطال أفريقيا وقال فتصريح له: "حنا غنافسو على 4 واجهات وعندي الثقة فالكروب كامل وكنحاول نشوف اللي واحد فكل ماتش، وكنرولي الكروب باش يكون كلو أونفورم".
ووضح رمزي: "عندنا البروكرام صعيب وما يمكنش تضرب بالفرقة كاع الماتشات وغيجيو الإصابات وهذا الشي نقدرو نحصلو فيه فشهر واحد وشهر جوج اللي فين خاصك المعقول، غتلقى الدراري اللي بازيتي عليهم مبليسيين واللاعبين اللي محتاجهم ما وجدينش".
وبخصوص إغلاق مركب محمد الخامس، كومونطا رمزي: السدان ديال دونور ما كنظنش غيأثر علينا، حيث الجمهور ديالنا أهم من كلشي.. أه التيران مهم ولكن أنا تايق بلي فأي تيران لعبنا طنجة مراكش الزاولي الجمهور ديالنا كنحسو به معنا، وهذا الشي حسيت به فالمحمدية وفبركان وفتقدتو مع السوالم ".
وحول إصابة منتصر الحتيمي قال رمزي: "الحتيمي جاه واحد البلوك فالماتش فالقدام ديال الرجل ماشي لاشوفي وغيدير فحصوات طبية الاحد الصباح.. ما عرفتش الخطورة ديالو، وما عرفناش ماتش الاربعاء يمكن صعيب يلعب، ولكن يقدر يصبح مزيان".